ချွန်စက် နဲ့ ဖေဖေ

ကျွန်မငယ်ငယ်က ခဲသားဘောပင်လှလှလေးတွေ၊ ခဲတံချွန်စက်လှလှလေးတွေ တွေ့ရင် သိပ်လိုချင်တတ်ပါတယ်။ ခဲသားဘောပင်ကို လိုချင်တာက ဘယ်လောက်ပဲ စာများများရေးရေး တုံးမသွားလို့ပါ။ ခဲတံချွန်စက်ကတော့ ဘယ်အချိန်မဆို ခဲတံတုံးသွားတာနဲ့ ချက်ချင်းပြန်ချွန်လို့ လွယ်ကူလို့ပါ။ ဘာကြောင့်လဲဆိုတော့ စာရေးတဲ့အခါ ခဲသားတုံးနေရင် လက်ရေးမလှဖူးလို့ပဲ ထင်နေတတ်တဲ့အတွက်ကြောင့် ဖြစ်မယ်ထင်ပါတယ်။ အဲ့ဒါကြောင့် စာရေးကိရိယာဆိုင်၊ စတိုးဆိုင်တွေရှေ့ ဖြတ်လျှောက်မိတဲ့အခါ မလွဲမသွေပူဆာတဲ့ အရာဟာလည်း ခဲသားဘောပင်နဲ့ ချွန်စက်ပါပဲ။

ဒါပေမယ့်ပေါ့လေ... ကျွန်မဘယ်လိုပဲ ပူဆာပူဆာ ဘယ်တော့မှ မရခဲ့တဲ့ ပစ္စည်းဟာ ခဲတံချွန်စက်လေးတွေပါ။ ၀ယ်ပေးဖို့ဘယ်တော့မှ အလိုမလိုက်ခဲ့တဲ့သူဟာလည်း ကျွန်မရဲ့ဖေဖေပါပဲ။

သူငယ်တန်းမတက်ခင် မူကြိုအရွယ်ကတည်းက ကျွန်မတို့မောင်နှမ သုံးယောက်လုံးကို စာရေးတတ်အောင် မေမေက သင်ပေးပါတယ်။ ဒါကြောင့်လည်း သူငယ်တန်းစတက်တဲ့အခါ အတန်းထဲမှာ စာရေးတတ်ဖို့ ဆရာမက ထပ်သင်စရာမလိုတော့ပါဘူး။ ဒါပေမယ့် ကျွန်မရဲ့ပြသနာက ခဲတံတုံးနေရင် စာမရေးချင်ဘူး။ ကျောင်းစတက်ကတည်းက ကွန်ပါဘူးထဲမှာ ချွန်ပြီးသားခဲတံ ငါးချောင်းကို အဆင်သင့် အိမ်ကနေထည့်ပေးလိုက်ပါတယ်။ အဲ့ဒီခဲတံ ငါးချောင်းကိုလှည့်ပြီး တစ်နေကုန်ရေးရပါတယ်။ တစ်ခါတစ်လေ ကျိုးသွားလို့ ရေးဖို့မလောက်တဲ့အခါ အတန်းပိုင်ဆရာမကို သွားချွန်ခိုင်းရပါတယ်။

ဆရာမကလည်း တစ်ခါတစ်လေ ချက်ချင်း ချွန်ပေးတတ်ပေမယ့် ချွန်ရမယ့် ခဲတံများနေရင်တော့ စောင့်ရတာပေါ့လေ။ စိတ်တိုနေတဲ့ အချိန်ကျတော့လည်း သွားမချွန်ခိုင်းရဲပြန်ဘူး။ ဒီတော့ ခဲတံချွန်စက်လေးတွေပါတဲ့ တစ်ချို့သူငယ်ချင်းတွေလို အချိန်မရွေး ကိုယ့်ဟာကိုယ် ချွန်လို့ရနေရင် ကောင်းမှာပဲလို့တွေးပြီး ခဲတံချွန်စက်ကို လိုချင်မိတာပါ။ ခဲတံချွန်တဲ့ဓါးကျတော့လည်း အရွယ်ငယ်သေးတော့ ရှမှာစိုးလို့ မကိုင်ရဘူးလေ။

ခဲသားဘောပင်လိုချင်တယ်လို့ ပူဆာတဲ့အခါ ကလေးဆိုတာ ခဲသားဘောပင်နဲ့မရေးရဘူး၊ ရေးရင်လည်း လက်ရေးမလှဘူး ဆိုတဲ့ အကြောင်းနဲ့ပယ်ချခံရသလို ခဲတံချွန်စက်လိုချင်တယ်လို့ ပူဆာတိုင်း ချွန်စက်နဲ့ချွန်ရင် ခဲတံခဏလေးကုန်တယ်ဆိုတဲ့ အကြောင်းပြချက်နဲ့ ဘယ်တော့မှ ၀ယ်မပေးခဲ့ပါဘူး။ ခဲတံငါးချောင်းမလောက်ရင် နောက်နေ့ ကွန်ပါဘူးထဲမှာ ချွန်ပြီးသားနောက်တစ်ချောင်းသာတိုးပြီး ခဲတံခြောက်ချောင်းဖြစ်လာတတ်တာပါ။ ငယ်တဲ့အရွယ်ဆိုတော့ စိတ်ထဲကလည်း ကြိတ်ပြီးထင်နေမိသေးတယ်။ ဖေဖေကလည်း ခဲတံချွန်နိုင်လိုက်တာလို့လေ။ စဉ်းစားကြည့်ပေါ့။ တစ်ယောက်ကို ခဲတံခြောက်ချောင်း၊ မောင်နှမသုံးယောက်ဆိုတော့ ၁၈ချောင်းလေ။ တစ်နေ့တစ်နေ့ ခဲတံချွန်ပေးရတဲ့အချိန်က တစ်နာရီလောက်ကြာပါတယ်။ ဖေဖေကတော့ စိတ်ရှည်သူမို့ထင်တာပါပဲ။ ခဲတံထိပ်ကိုသေသေချာချာ ပြောင်ချောပြီး ညီနေတဲ့အထိ သစ်သားစလေးတွေကို ညှိရင်းနဲ့စိတ်ရှည်လက်ရှည် ချွန်သွားတာပါ။ မေမေချွန်ပေးရင်တော့ ဖေဖေချွန်ပေးသလောက် မညီပေမယ့် မြန်တော့မြန်ပါတယ်။

ငယ်တုန်းက မသိခဲ့ပေမယ့် အခုအရွယ်ရောက်လာတဲ့ အခါမှာတော့ ဘာကြောင့် ခဲသားဘောပင်နဲ့ မရေးခိုင်းသလဲ၊ ခဲတံချွန်စက်ကို ၀ယ်မပေးသလဲဆိုတာတွေကို နားလည်လာခဲ့တယ်။

မူလတန်းအရွယ်ဆိုတော့ လက်ရေးမငြိမ်သေးဘူးလေ။ ပြီးတော့ ကလေးဆိုတာက စာရေးရင် အားစိုက်ပြီး ဖိရေးတတ်တာကိုး။ ဒီတော့ ခဲသားဘောပင်အသုံးပြုတဲ့အခါ ခဲသားဘောပင်က အဲ့ဒီအားစိုက်ပြီး ဖိတာမျိုးကို မခံနိုင်ပါဘူး။ လူကြီးတစ်ယောက်အတွက် လက်ရေးအချိန်အစ မလိုအပ်တော့ပေမယ့် ကလေးကျပြန်တော့ မချိန်တတ်သေးဘူးလေ။ တကယ်တော့ ခဲသားဘောပင်ဆိုတာမျိုးက ပုံဆွဲခဲတံပါပဲလား ဆိုတာကို ကိုယ်ကိုယ်တိုင် ပုံတွေဆွဲရတဲ့အခါမှ သိလာခဲ့ရပါတယ်။ ဒီတော့လည်း လက်ရေးဝိုင်းဝိုင်းလေးတွေကို ရေးတတ်တဲ့ဖေဖေက သူ့သားသမီးတွေ လက်ရေးပျက်မှာစိုးလို့ ခဲသားဘောပင်နဲ့ ပေးမရေးခဲ့တာဖြစ်မယ်လို့ တွေးမိပါသေးတယ်။

ချွန်စက်ဆိုတာလည်း တစ်ခါချွန်ရင် အကြာကြီး ရေးနေလို့မှ မရပဲ။ ချွန်စက်နဲ့ချွန်တဲ့ ခဲတံဟာ ခဏလေးရေးပြီးရင် တုံးသွားပြန်ပါတယ်။ ဒီတော့ ခဏခဏချွန်ရတယ်။ ပြီးတော့ ခဲသားက တိုတိုလေးပဲ ထွက်လာတာဆိုတော့ ကလေးတွေက ခဲသားရှည်ရှည်လိုချင်တော့ ချွန်ရမယ့် အတိုင်းအတာထက် ပိုချွန်တတ်တယ်။ အဲ့ဒီအခါ ထိပ်ကချွန်ပြီးသား ခဲသားကကျိုးသွားတတ်တယ်။ ကျိုးသွားတော့ အသစ်ပြန်ချွန်ရတယ်။ အဲ့ဒီမှာတင် ချာလည်ပတ်လည်ဖြစ်ပြီး ခဲတံတစ်ချောင်းက ဘာမှမရေးလိုက်ရပဲ ခဏလေးနဲ့ ကုန်သွားပါတော့တယ်။ ဒီတော့ ချွန်စက်ဝယ်မပေးတဲ့ ဖေဖေ့ကိုလည်း ကျွန်မ အပစ်မတင်တော့ပါဘူး။

ခုချိန်မှာတော့ ခဲသားဘောပင်နဲ့ရေးလည်း ကျွန်မှာ လက်ရေးပျက်စရာ အကြောင်းမရှိတော့သလို ခဲတံချွန်စက်ကိုလည်း အတိုင်းအဆနဲ့ ချွန်တတ်နေပြီလေ။ ပုံတွေမှာ မတူညီတဲ့ အတိုင်းအတာနေရာတွေကို ရောင်စုံခြယ်ရင်း တုံးလာတဲ့ရောင်စုံခဲတံလေးတွေကို ချွန်စက်နဲ့ ချွန်မိတိုင်း ဘယ်တော့မှ ချွန်စက်ဝယ်မပေးဖူးတဲ့ အဖေ့ကိုလည်း ကျွန်မသတိရနေပါတယ်။

[+/-] အပြည့်အစုံဖတ်ရန်...

[+/-]ပြန်ခေါက်ရန်...