အဖြူရောင် အတ္တ

"တို့ သူဌေးမက သိပ်ပြီးစီးပွားရေး ဆန်တယ်နော်။ သူ့အကျိုးအမြတ်ရဖို့ပဲ တွက်နေတာပဲ။ ၀န်ထမ်းတွေကိုကျတော့ ထိုက်ထိုက်တန်တန် လခမပေးချင်တဲ့အပြင် အမြဲဆူပူနေတတ်တယ်။ အတ္တကြီးတယ်နော်။"

လက်ရှိအလုပ်ကို မရောက်ခင် အရင်ရုံးမှာတုန်းက တစ်အိမ်တည်းလည်း အတူတူနေခဲ့ရဖူးသလို အလုပ်လည်းတစ်ခုတည်း ဖြစ်ခဲ့တဲ့ မကြည်ဖြူပိုင်ရဲ့ အလုပ်ရှင် သူဌေးမအပေါ် သုံးသပ်ချက်ပါ။ အလုပ်ချင်းအတူတူ ကျွန်မက သူဌေးမ မျက်စိကွယ်ရာမှာ နေရသူမို့ သူဌေးမရဲ့ ဗျစ်တောက်ဗျစ်တောက်မှ လွတ်ကင်းပေမယ့် သူဌေးမရဲ့ မျက်စိအောက်မှာ နေရတဲ့အစ်မကတော့ မိုးလင်းကနေ မိုးချုပ်တဲ့အထိ အသံမျိုးစုံကို ကြားရလေ့ ရှိပါတယ်။

"ဟေ့ ဒီနေ့ Betty မျက်နှာပြုံးနေတာပဲ။ သဘောလည်း ကောင်းနေတယ်။ ဘယ်သူကိုမှလည်း ဆူတာမတွေ့ဘူး"

တစ်နေ့တော့ နေ့လည်ထမင်းစားကြရင်း အစ်မက ကျွန်မကို အဲ့ဒီလို ထူးထူးဆန်းဆန်းဆိုပါတယ်။ "သူ့သား ပြန်လာလို့ဖြစ်မယ်" လို့ ကျွန်မရဲ့ ထင်မြင်ချက်ကိုပြောတော့ အစ်မက "ဟုတ်တယ်နော်။ မနေ့က ပြန်ရောက်မယ်လို့ ပြောသံကြားတယ်"

တကယ်တော့ Betty မှာ သမီးတစ်ယောက်၊ သားတစ်ယောက်ရှိတယ်။ သမီးအကြီးက NUS ကနေဘွဲ့ရပြီး AU မှာကျောင်းဆက်တက်နေတယ်။ သားကိုလည်း အဲ့ဒီကိုပဲပို့ပြီး ကျောင်းတက်ခိုင်းထားတယ်လို့ ကျွန်မတို့တတွေ သိခဲ့ကြတာကိုး။

ခဏတာတွေသွားသလို ငြိမ်သွားပြီးတဲ့နောက်မှာ အစ်မက စကားတစ်ခွန်းကိုပြောပါတယ်။

"အင်း... Betty က အတ္တကြီးတယ်ရယ်လို့လည်း ပြောလို့မရပြန်ဘူး။ သူစီးပွားရေးဆန်တာဟာ သူ့သားသမီးအတွက်ပဲ။ စီးပွားရေးဆန်နိုင်မှ သူ့သားသမီးအတွက် ပိုကျန်မယ် မဟုတ်လား။ အတ္တဆိုရင်တောင် "ငါ့သားသမီးဖို့" ဆိုတဲ့ အတ္တပဲဖြစ်မယ်။ အဲ့ဒီအတွက် သူဟာ ငါတို့ဘက်ကို အများကြီး မစဉ်းစားတော့တာ... "

အဲ့ဒီတုန်းက အစ်မရဲ့ စကားကို ကျွန်မ နားလည်ခဲ့တာတော့ သေချာပါတယ်။ ဒါပေမယ့် ကျွန်မနားလည်ခဲ့တာက "Betty" ဆိုတဲ့ ကျွန်မရဲ့ သူဌေးမ တစ်ယောက်တည်းကိုပါ။ နောက်ပိုင်းတော့ အဲ့ဒီအဖြစ်အပျက်ကို ကျွန်မလည်း မေ့မေ့ပျောက်ပျောက် ရှိနေခဲ့တယ်လေ။

ဒီလိုနဲ့ အချိန် နှစ် နှစ်ကျော်ကြာလာတဲ့အခါ တိုက်ဆိုင်မှုတစ်ခုကြောင့် အစ်မပြောခဲ့တာကို ပြန်သတိရမိပါတယ်။ ပိုပြီးတော့လည်း ကျယ်ကျယ်ပြန့်ပြန့် နားလည်ခဲ့ရတယ်။

လောကမှာ "အမေ" ဆိုတာ မေတ္တာတရား အကြီးမားဆုံးလူသား၊ စိတ်နှလုံးသား အနူးညံ့ဆုံး၊ အကြင်နာတတ်ဆုံးလူသား၊ သတ္တ၀ါတိုင်းအပေါ်မှာ သားသမီးနဲ့ယှဉ်ပြီး စာနာဂရုဏာထားတတ်တဲ့သူ၊ သားသမီးအတွက်ဆိုရင် ယောက်ျားရင့်မာတွေ ထက်တောင်မှ ရဲရင့်တဲ့သူ၊ သတ္တိရှိတဲ့သူလို့ ကျွန်မလက်ခံခဲ့တယ်။ နားလည်ခဲ့တယ်။ မေတ္တာအရာမှာ ဘယ်လောက်အထိ ကြီးမားသလဲဆိုရင် မေတ္တသုတ်မှာတောင် မြတ်စွာဘုရားက "တစ်ဦးတည်းရှိသောသားကို မိခင်က မေတ္တာထားပုံ" နဲ့ယှဉ်ပြီး ဟောကြားခဲ့တာပါ။ ဒါပေမယ့် သားသမီးနဲ့ ပတ်သက်ရင် တခြားတပါးသောသူတွေက လူဆိုးလို့ထင်ရအောင် အတ္တကြီးသူ ဆိုတာကိုတော့ ကျွန်မနားမလည်ခဲ့ပါဘူး။ သတိမထားမိခဲ့တာလည်း ဖြစ်နိုင်ပါတယ်။ ဘာကြောင့်လဲဆိုတော့ ကိုယ့်အမေဖြစ်နေလို့ ဖြစ်ပါလိမ့်မယ်။ သားသမီးတိုင်းရဲ့ စိတ်ထဲမှာ "ငါ့အမေဟာ တစ်လောကလုံးမှာ အကောင်းဆုံးမိခင်" ပါ။ အဲ့ဒီအတွက် အမေ့ရင်ထဲက ငုပ်သျှိုးနေတဲ့ "အတ္တ"ကို ကျွန်မ မမြင်ခဲ့ပါဘူး။

ကျွန်မက အမေ့ကို ကျွန်မအတွက် မငိုပါနဲ့လို့ပြောတယ်။ ဒါပေမယ့် ခေါင်းမာလွန်းတဲ့ ကျွန်မအတွက် စိတ်ချင်းမတိုက်ဆိုင်တိုင်းမှာ အမေဟာ အကြိမ်ပေါင်းများစွာ ငိုခဲ့ရတယ်။ အမေ့စိတ်ထဲက "ငါ့သမီး" ဆိုတဲ့ ချစ်ခြင်းအတ္တကို ကျွန်မ မခံစားတတ်ခဲ့လို့ ဖြစ်မယ်။

ကျွန်မက အမေ့ကို ကျွန်မနဲ့ ပတ်သက်ပြီး ဘယ်တော့မှ ပူပင်သောက မရောက်ပါနဲ့လို့ ပြောတယ်။ ဒါပေမယ့်အမေက ကျွန်မအတွက် ယနေ့ထက်ထိ ပူပင်နေဆဲဖြစ်တယ်။ အမေ့ရင်ထဲက "ငါ့သမီးအတွက်" ဆိုတဲ့ မေတ္တာအတ္တကို ကျွန်မ နားမလည်ခဲ့လို့ဖြစ်မယ်။

အမေ ကျွန်မအတွက် ပင်ပင်ပန်းပန်း လုပ်ကိုင်ပေးနေတာကိုတွေ့တိုင်း "အမေကလည်း မလုပ်ပါနဲ့လို့ပြောတာကို ပြောလို့ကို မရဘူး" ရယ်လို့ ဆူပူခဲ့ဖူးမယ်။ ဒါပေမယ့် အမေကတော့ အဲ့ဒီဆူပူမှုအတွက် မျက်ရည်လယ်ရုံ၊ စိတ်မကောင်းဖြစ်ရုံကလွဲလို့ နောက်ထပ် အကြိမ်ပေါင်းများစွာ အပင်ပန်းခံနေဆဲပဲဖြစ်တယ်။ အမေ့နှလုံးသားထဲက "ငါ့သမီးအတွက်" ဆိုတဲ့ မေတ္တာအတ္တကို ကျွန်မ သတိမထားမိခဲ့လို့ ဖြစ်မယ်။

အမေ့ကို တစ်စုံတစ်ယောက်က "နင့်အမေ သိပ်ဆိုးတယ်" လို့ ပြောတာမျိုး မဖြစ်အောင်လို့ သတိထားဖို့ ကျွန်မ ပြောခဲ့ဖူးတယ်။ ဒါပေမယ့် အမေကတော့ သူများတွေအမြင်မှာ ဆိုးတယ်လို့ ထင်ရအောင်ကို သားသမီးနဲ့ပတ်သက်ပြီး အမိုက်ခံတတ်တယ်။ အမေ့သွေးထဲက "ငါ့သမီးအတွက်" ဆိုတဲ့ စေတနာအတ္တကို ကျွန်မ လျစ်လျူရှုခဲ့မိလို့ဖြစ်မယ်။

နောက်ထပ်နောက်ထပ် "ငါ့သမီး" ဆိုတဲ့ အတ္တတွေ အမေ့မှာ အများကြီး ရှိနေဦးမှာပါ။ အဲ့ဒီအတ္တတွေကို မြင်နိုင်ဖို့၊ သိနိုင်ဖို့၊ နားလည်ခံစားပေးနိုင်ဖို့ ကြိုးစားရဦးမှာပါ။ တစ်ခါတစ်လေ သူများအမေတွေကိုလည်း အမြင်အမျိုးမျိုးနဲ့ ကျွန်မမြင်ခဲ့ဖူးမယ်။ ကိုယ့်အမေနဲ့ နှိုင်းပြီး ကိုယ်ချင်းစာကြည့်တဲ့အခါ မိခင်တစ်ယောက်ရဲ့ မသိမသာရှိနေတတ်တဲ့ အတ္တတွေကို ကျွန်မခံစားတတ်လာခဲ့တယ်။

ကျွန်မဘ၀တစ်လျှောက်လုံး နားလည်ခဲ့တဲ့ "အမေ" ဆိုတဲ့ စကားလုံးလေးတစ်ခုအတွက် ကျွန်မ မသိခဲ့တဲ့ အချက်တစ်ချက်ကို သိရှိခဲ့ရတယ်။ "ငါ့အတွက်" ဆိုတဲ့ အတ္တတွေကို ခွာချထားပြီးဖြစ်တဲ့ မိခင်တွေမှာ "ငါ့သားသမီးအတွက်" ဆိုတဲ့ စေတနာအတ္တတွေ၊ မေတ္တာအတ္တတွေ၊ တနည်းအားဖြင့် အဖြူရောင်သက်သက် အတ္တတွေ တောင်လိုပုံလာခဲ့တယ်။ အဲ့ဒီအတ္တတွေကြောင့်လည်း မိခင်တိုင်းဟာ သားသမီးတွေအတွက် သေဆုံးသည်အထိ ပူပင်နေခဲ့ကြရတာ ဖြစ်ပါလိမ့်မယ်။


( ၁၉.၃.၂၀၁၀ - မေမေရဲ့ ၅၃ နှစ်ပြည့် မွေးနေ့အတွက် အမှတ်တရ...။ မေမေအပါအ၀င် မိခင်တိုင်း အေးချမ်းကြပါစေလို့ ဆန္ဒပြုပါတယ်။ )