မိုးတွေရွာတုန်း

စာရေးချင်စိတ်ရှိတယ်... ရေးဖို့လည်း အများစုက တိုက်တွန်းနေတဲ့ကြားက ရေးဖို့ခေါင်းစဉ်ခက်နေတယ်။ စိတ်ပြေလက်ပျောက်ဖြစ်အောင်ဆိုပြီး စာကြမ်းလေးတွေ ချရေးမိပေမယ့် စိတ်တိုင်းတော့မကျဘူး။ ဒါနဲ့ပဲ ဟိုးအရင်က ရေးလေ့ရေးထရှိပြီး နောက်ပိုင်းမှာ မရေးတာကြာသွားသလောက် ဖြစ်နေတဲ့ နေ့စဉ်မှတ်တမ်း ပုံစံမျိုးလေး ချရေးဖြစ်တယ်။ သွေးပူလေ့ကျင့်ခန်း သဘောမျိုးပေါ့လေ။

ဒီနေ့မနက် ခါတိုင်းနဲ့မတူပဲ အိပ်ရာက စောစောစီးစီး နိုးထခဲ့တယ်။ ပြန်အိပ်လို့ရသေးတဲ့ အချိန်ဖြစ်နေပေမယ့် လန်းလန်းဆန်းဆန်းပဲ နိုးလာတာကြောင့် အိပ်ရာနဲ့ကိုယ်ကို ခွဲခွာလိုက်တယ်။ စောစောစီးစီး ဘာလုပ်ရင်ကောင်းမလဲလို့ စဉ်းစားမိတဲ့အခါ အိမ်မှာနေစဉ်တုန်းက အိပ်ရာထတိုင်း ရေဒီယိုကနေကြားရတတ်တဲ့ ဆရာတော်ဦးဥတ္တမသာရရဲ့ ပရိတ်ကြီးရွတ်ဖတ်သံကို သတိရတယ်။ ဒီမှာကတော့ ရေဒီယိုဖွင့်လို့ ဘယ်ရမလဲ။ ရနိုင်တာက အင်တာနက်။ ကွန်ပျူတာကိုဖွင့်ပြီး အွန်လိုင်းကနေ တရားတော်တွေ ဖွင့်ဖို့ကြိုးစားရပြန်တယ်။ ပဌာန်းတရားတော်နဲ့ ပရိတ်ကြီး ၁၁ သုတ် ကို Youtube မှာ ရှာဖွင့်လိုက်ပြီး ကြည်နေတဲ့ စိတ်ကိုထိန်းဖို့ ဘုရားရှိခိုး၊ အာဏာပါနသတိရှုမှတ်ခြင်းနဲ့ ဒီနေ့တစ်နေ့တာ စတင်ခဲ့လေရဲ့...။

ညီမလေးနိုးလာတော့ မနက်စာစားပြီး တစ်ပတ်စာဈေးဝယ်ဖို့ အပြင်ထွက်ရပြန်တယ်။ ဒီနေ့တော့ စောစောစီးစီး ဆိုင်ဖွင့်ကာစမို့ထင်ပါရဲ့။ Cashier မှာ လူအများကြီး တန်းမစီရတော့ မြန်မြန်အိမ်ပြန်ရောက်တာပေါ့။ မဟုတ်ရင် ဈေးဝယ်တာက နာရီဝက်၊ လူတန်းစီရတာက တစ်နာရီလောက် ကြာချင်ကြာတတ်တယ်လေ။ တိုတိုပြောရရင်တော့ အိမ်ကိုစောစောစီးစီပြန်ရောက်၊ ညီအစ်မနှစ်ယောက် ဟင်းတွေချက်၊ အိမ်သန့်ရှင်းရေးတွေလုပ်ပြီး ဗိုက်ကလည်းဆာ၊ မောကလည်းမောနဲ့ ၁၁နာရီလောက်မှာပဲ နေ့လည်စာထမင်းစားဖြစ်ကြတယ်။ အိမ်မှာချက်မစားဖြစ်တာ ကြာလို့ထင်ပါရဲ့။ စားလို့တော့ မြိန်တယ်။

နေ့လည်စာစားပြီးတော့ ဘုရားစာရွတ်နေရင်း မှေးကနဲအိပ်ပျော်သွားတာ... မိုးခြိမ်းသံတွေကြားတော့ လန့်နိုးလာခဲ့တယ်။ မှန်ပြူတင်းအပြင်ဘက်ကို ကြည့်လိုက်တော့ မိုးတွေတဖွဲဖွဲရွာနေပြီလေ။ သင်္ကြန်မိုးများလားလို့တော့ စိတ်ကူးယဉ်မိသေးတယ်။ ဘ၀ဆိုတာ စိတ်ကူးယဉ်နေလို့ ပြည့်စုံနေမှာမဟုတ်တော့လည်း စိတ်ကူးထဲကနေ လက်တွေ့ကျကျဘ၀ဆီကို ချက်ချင်းပြန်လာခဲ့ရတယ်။ စိတ်ပျက်လက်ပျက်နဲ့ မေးလ်တောင်မစစ်တာ ကြာနေပြီဆိုတော့ မေးလ်ဝင်ကြည့်ရင်း ကွန်ပျူတာရှေ့ထိုင်မိပြန်ရော။ ကွန်ပျူတာရှေ့ရောက်တော့လည်း အင်တာနက်ပေါ်မှာ ဟိုကြည့်ဒီကြည့်နဲ့ ရှောင်ဖယ်ဖယ်လုပ်ထားတဲ့ FaceBook ကိုဝင်ကြည့်ဖြစ်တယ်။ ကြည့်ဖြစ်ပြန်တော့လည်း ဟိုသူငယ်ချင်း ဓါတ်ပုံလေးတွေကြည့်လိုက် ဒီသူငယ်ချင်းဓါတ်ပုံလေးတွေ ကြည့်လိုက်နဲ့ ကြည့်မိရာကနေ မေးခွန်းလေးတစ်ခု စဉ်းစားမိပြန်တယ်။ အဲ့ဒီမေးခွန်းက ဘာလဲဆိုတော့ "သတို့သမီးတစ်ယောက်ရဲ့ လှပတဲ့အပြုံးတစ်ခုအတွက် အမှန်တကယ် လိုအပ်ချက်တွေက ဘာတွေလဲ" တဲ့။ FaceBook ပေါ်က မင်္ဂလာဆောင်ပုံတွေ ကြည့်တာများသွားလို့ ထင်ပါတယ်။ ကိုယ့်ဟာကိုယ် မေးခွန်းထုတ်ရင်း ကိုယ့်ဟာကိုယ် အဖြေတိတိကျကျမရဘူး။ ခေါင်းနောက်သလို ဖြစ်လာတာနဲ့ FaceBook ကိုပိတ်ခဲ့တယ်။ ခုနက ဖွဲဖွဲရွာနေတဲ့ မိုးကတော့ ပိုသည်းလာနေသလိုပါပဲ...။

FaceBook ပိတ်ပြီးပေမယ့် သတိရပြန်တာက ဘလော့ခ်...။ ကိုယ်တိုင်မရေးဖြစ်ပေမယ့် သူများတွေရေးတာကိုတော့ နေ့တိုင်းဖတ်ဖြစ်တယ်လေ။ ဘာပဲဖြစ်ဖြစ် အပြုံးပန်းရဲ့ပို့စ်လေးတွေ ဖတ်တိုင်းတော့ အေးချမ်းတယ်၊ ကြည်နူးတယ်၊ ရိုးရှင်းတယ် ဆိုတဲ့ခံစားချက်လေးတစ်ခုတော့ အမြဲတမ်းရတတ်တယ်။ သူများရေးတာတွေဖတ်ရင်း အမေမေးဖူးတဲ့ မေးခွန်းတစ်ခုကို သတိရတယ်။ "ဘလော့ခ်က တစ်ချို့စာတွေကို ဘယ်လိုစိတ်နဲ့ရေးသလဲ။ ဘာကြောင့်ရေးသလဲ" တဲ့။ အရင်တုန်းကရေးထားဖူးတဲ့ တစ်ချို့စာတွေကို အမေဖတ်ဖို့ ကျွန်မက စာရွက်နဲ့ထုတ်ပြီး ပို့ပေးလေ့ရှိခဲ့တာကိုး...။ အဲ့ဒီမေးခွန်းအတွက် ကိုယ့်ဘလော့ခ်ကို ကိုယ်ပြန်ပြီး ပြန်လှန်လေ့ကျင့်ခန်း လုပ်ရပြန်တာပေါ့။ ငါရေးတဲ့ထဲမှာ ဘာတွေပါခဲ့ပါလိမ့်၊ ဘယ်လိုရေးခဲ့ပါလိမ့်ဆိုတဲ့ စိတ်နဲ့ အဟောင်းတွေကို ပြန်ရှာဖတ်ဖြစ်တယ်။

ဖတ်ရင်းက TAG တွေအကြောင်း ဖတ်မိရင်း မီးငယ် TAG ခဲ့ဖူးတဲ့ အချစ်ဆိုသည်မှာ ဆိုတာရယ်၊ သူ့ရဲ့နောက်ဆက်တွဲ တစ်ဖက်သတ်အချစ် ရယ်၊ အဲ့ဒီပို့စ် ၂ခုကို ဖတ်မိတော့ ဟိုအရင်ရေးခဲ့တုန်းက ကျန်နေတဲ့ အချက်တွေကို သွားစဉ်းစားဖြစ်တယ်။ လက်တွေကျကျ ရင်မဆိုင်ရသေးတော့လည်း မစဉ်းစားဖြစ်ခဲ့တာ နေမှာပေါ့လေ။ ပြီးတော့ မနေ့က အချိန်ပိုဆင်းရင်း စဉ်းစားမိတဲ့ အကြောင်းအရာတွေနဲ့ ပတ်သက်တဲ့ အချစ်နဲ့ပတ်သက်ပြီး တူသောအကျိုးပေးတာတွေ။ အဲ့လို စဉ်းစားမိတော့ နောက်တစ်ခါရေးဖို့ အကြောင်းအရာနဲ့ ခေါင်းစဉ်ရသွားတယ်။ နောက်တစ်ခါ ဆိုရင်ရေးရမယ်... ချစ်ခြင်းနဲ့ ဆက်နွယ်နေတဲ့ အတ္တတွေ၊ အဲ့ဒီအတ္တကြောင့် ဖြစ်ရတဲ့ ပူလောင်မှုတွေ၊ ပြီးတော့ အသက်အရွယ်နဲ့ အချိန်အခါကိုလိုက်ပြီး ပြောင်းလဲတတ်တဲ့ အချစ်တွေ၊ ပင်ကိုယ်စိတ်ခြေခံကိုလိုက်ပြီး ချစ်ခြင်းအပေါ်မှာ ဖြစ်တည်လာတဲ့ အယူအဆတွေ... သေသေချာချာထပ်တွေးရင်တော့ အများကြီးရှိနေဦးမှာ။ အချစ်ဆိုတာ ကျယ်ပြန့်တဲ့ ဘာသာဗေဒတစ်ခု မဟုတ်လား။

တွေးရင်းတွေးရင်းနဲ့ ခေါင်းတွေမူးလာတယ်။ နေလည်းဝင်စပြုလာတယ်။ ဒီနေ့တစ်နေ့တာအဖို့ အိပ်ပျော်သွားတဲ့အထိ မနက်ကတည်းက ကြည်နေတဲ့စိတ်ကလေးကို ထိန်းထားရမယ်။ လျှောက်လည်နေတဲ့စိတ်ကို ကိုယ့်ဆီကို ပြန်ဆွဲခေါ်လိုက်တယ်။ အပြင်ဘက်မှာတော့ မိုးတွေက သည်းသည်းမည်းမည်း ရွာချနေတုန်းပဲ...။