GreenGirl ၏တစ်နှစ်တာ

အချိန်တွေက ကုန်လွယ်လွန်းပါတယ်။ ဘာလိုလိုနဲ့ ဒီနေ့ဆိုရင် ကျွန်မGreenGirl ဘလော့ခ်လောကထဲမှာ တစ်နှစ်ပြည့်အောင် ရပ်တည်နိုင်ခဲ့ပါပြီ။ ဘလော့ခ်ဆိုတာ ဘာမှန်းလည်းမသိ၊ ဘယ်ဘလော့ခ်မှလည်း မဖတ်ဖူးတဲ့ သာမာန်မိန်းကလေး တစ်ယောက် နေ့ချင်းညချင်း ဘလော့ခ်ဆိုတဲ့ ပတ်ဝန်းကျင်သစ် တစ်ခုထဲကို ရောက်ခဲ့တယ်။ အဲ့ဒီအကြောင်းတွေကို ဒီပို့စ်လေးမှာ ရေးခဲ့ဖူးပါတယ်။ ဒီလိုနဲ့ ကျွန်မတစ်ယောက် GreenGirl ဆိုတဲ့ အစိမ်းရောင် မိန်းကလေး တစ်ယောက်အဖြစ် ဘလော့ခ် လောကထဲကို ခပ်စိမ်းစိမ်းနဲ့ ရောက်လာခဲ့တယ်ပေါ့။

ဘလော့ခ်လုပ်ပြီ ဆိုတော့မှ ဘယ်ဘလော့ခ်တွေ ကောင်းလဲလို့ ဘလော့ခ်ဆိုရင် တွေ့သမျှ အကုန်ဖတ်တတ်တဲ့ ခိုင်ဇာကိုမေးရတယ်။ သူများတွေ ဘာတွေရေးတတ်ကြလဲ၊ ဘယ်လိုရေးကြလဲ ဆိုတာကို အဲ့ဒီတော့မှ လေ့လာရတယ်။ နောက်တော့ စိတ်ထဲမှာရှိတိုင်း ဘလော့ခ်ပေါ်မှာ ချရေးတတ်လာတယ်။ ရေးရင်း၊ ဖတ်ရင်းနဲ့မှ တဖြည်းဖြည်း စာဖတ်သူအတွက် တစ်ခုခုပေးနိုင်ဖို့ ကြိုးစားတတ်လာခဲ့တယ်။ အခုတော့ အစိမ်းရောင် မိန်းကလေးက ဘလော့ခ်လောကနဲ့ မစိမ်းတော့ဖူးပေါ့လေ။

ဟိုးလွန်ခဲ့တဲ့ တစ်နှစ်က ဒီလိုအချိန်မှာ ကျွန်မရယ်၊ အစ်ကိုစိုးမိုးကျော်ရယ် ညအိပ်ရေးပျက်တွေခံလို့ GreenGirlကို ဖန်တီးခဲ့ကြတယ်။ အစ်ကိုက ဘလော့ခ်အပြင်အဆင်တွေလုပ်ပေး၊ ကျွန်မက ပို့စ်တင်ဖို့ စာတွေစဉ်းစားပြီးရေးပေါ့။ မောင်နှမနှစ်ယောက် အလုပ်တွေ ကြိတ်ပြီးရှုပ်ခဲ့ကြတယ်။ အစ်ကိုစခဲ့လို့ ကျွန်မ GreenGirlရယ်လို့ ဖြစ်လာခဲ့တဲ့အတွက် ဒီနေ့မှာ အစ်ကို ကိုစိုးမိုးကျော်ကို ကျေးဇူးလည်းတင်သလို လေးစားစွာ ကန်တော့လိုက်ပါတယ်။

နောက်တစ်ခုက ကျွန်မတစ်သက်လုံး စာပေနဲ့မွေ့လျော်အောင် ပြုစုပေးခဲ့တဲ့ ဖေဖေနဲ့မေမေ။ စာဖတ်တတ်စ အရွယ်ကတည်းက ဘယ်လိုစာအုပ်တွေ ဖတ်သင့်တယ်လို့ ရွေးချယ်ပေးတတ်ခဲ့တဲ့၊ မြန်မာစာကို တလေးတစားနဲ့ အလေးထား လေ့လာတတ်အောင် သွန်သင်ပေးတဲ့ မေမေ၊ စာဖတ်ဝါသနာ စွဲလာတဲ့အချိန်မှာ လမ်းကြောင်းမမှားအောင် တည့်မတ်သွန်သင်ပေးခဲ့တဲ့၊ စာအုပ်ကောင်းမှန်သမျှ မငြီးမငြူဝယ်ပေးပြီး ဖတ်စေတဲ့ ဖေဖေ။ အတန်းစဉ်အဆက်ဆက် လေ့ကျင့်သင်ကြားခဲ့တဲ့ မြန်မာစာ ဆရာ/ဆရာမများအားလုံး။ မေမေ၊ဖေဖေ နဲ့ ဆရာ၊ဆရာမတို့ သွန်သင်ခဲ့လို့ မြန်မာစာကို ကျွန်မ မြတ်နိုးတတ်လာခဲ့သလို စာရေးစာဖတ် ၀ါသနာရင့်သန်ခဲ့တဲ့အတွက် ဖေဖေနဲ့မေမေ၊ ဆရာ၊ဆရာမ တွေကိုလည်း ကျေးဇူးတင်စွာနဲ့ ကန်တော့ပါတယ်။

နောက်ထပ် ကျေးဇူးတင်ရမယ့် သူတွေကတော့ GreenGirlကို စာရေးသူတစ်ယောက်အဖြစ် ရပ်တည်နေနိုင်စေဖို့ အသိအမှတ်ပြုပေးခဲ့တဲ့ ကျွန်မရဲ့ ချစ်ခင်ရပါသော စာဖတ်သူများအားလုံးပါပဲ။ ဘလော့ခ်မဖွင့်ခင် ကတည်းကအခုထိ ဘာရေးရေး အားပေးခဲ့ကြတဲ့ သူငယ်ချင်းခိုင်ဇာ၊ ၀င်းလဲ့၊ တီလေးရွှေစင်၊ ကျောင်းတုန်းက စီနီယာတွေဖြစ်တဲ့ ကိုကျော်မိုးဝေနဲ့ မသန္တာ၊ တစ်နေ့တစ်ခါ အရောက် လာတဲ့ နှင်းနှင်း၊ မသဉ္ဇာနွယ်၊ မမ Charm ၊ ဇွန်ပွင့်၊ ဇူဇူး အပါအ၀င် အမည်မဖော်ပဲ အားပေးခဲ့တဲ့ စာဖတ်သူ သူငယ်ချင်းများ အားလုံးကိုလည်း ကျေးဇူးကုဋေကုဋာပါ။

ဘလော့ခ်ဖွင့်လို့ မကြာသေးခင်မှာ ဘလော့ခ်အသစ်ကလေးကို ဘယ်လိုမျက်စိလည်ပြီး ရောက်လာမှန်း မသိပေမယ့် ချက်ချင်းပဲ လင့်သွားပါပြီဆိုပြီး စီဘောက်စ်ထဲမှာ မက်ဆေ့ခ်ျချန်ခဲ့တဲ့ ကိုစိုးထက်၊ ညီမလေးရေ စာတွေလာဖတ်ပါတယ်ဆိုပြီး ပြောသွားသလို အခုထိလည်း အားပေးနေတဲ့ မမမြရွက်ဝေ၊ သူငယ်ချင်းဖြစ်ချင်လို့ ဆိုတဲ့ စာလေးတစ်ကြောင်းထားခဲ့တဲ့ မမခင်ဦးမေ၊ ကျောင်းတုန်းကအကြောင်းတွေ ဖတ်ရင်း ကျောင်းကိုသတိရတယ်လို့ ဆိုလာတဲ့ အစ်မKPZ ၊ ကီးဘုတ်ပေါ်က လက်ကလေးတွေကို အသိအမှတ်ပြုပေးခဲ့တဲ့ မနိုင်းနိုင်းစနေ၊ အစိမ်းရောင်ကြိုက်တာချင်းတူတဲ့ မနေနေနိုင် အားလုံးဟာ မတွေ့ဖူး မမြင်ဖူးပေမယ့် GreenGirlကို ဘလော့ခ်လောကထဲကို လက်တွဲခေါ်ခဲ့တဲ့ အစ်ကိုတွေအစ်မတွေပါ။ အစ်ကို အစ်မတွေရဲ့ အားပေးတဲ့ စာလေးတစ်ကြောင်းစီဟာ အမှတ်တမဲ့ပေမယ့် GreenGirlအတွက်တော့ အားဆေးတွေ ဖြစ်ခဲ့ရပါတယ်။ ကျေးဇူးရှိသူတွေ ဆိုရင်လည်း မမှားပါဘူး။

နောက်တော့ သူငယ်ချင်းတစ်ယောက်ရဲ့ မိတ်ဆက်ပေးမှုနဲ့ မောင်လေး Black Dream ဆီကို ရောက်ခဲ့ပြီး သူ့ရဲ့ အက်ဆေးအတွေး၊အရေးတွေကို အားကျခဲ့ရပြန်တယ်။ ကိုယ်က အဲ့ဒီလောက် မတွေးတတ်ဖူးလေ။ နောက်တစ်ယောက်က မောင်လေးညိမ်းညို၊ လူချင်းသိပြီး သူ့ကိုညိမ်းညိုမှန်း မသိခဲ့ပဲ သူ့ကဗျာတွေကို သြချခဲ့ရတာ။ ဘလော့ခ်လုပ်နေမှန်း နောက်မှသိပြီး ရောက်လာတဲ့ ညီမလေးမီးငယ်ကိုလည်း အချစ်ပိုခဲ့ရပြန်သလို ဗဟုသုတတွေ အများကြီး ပေးတဲ့ မရွှေပြည်သူကိုလည်း လေးစားခဲ့ရတယ်။ အစ်ကိုအရင်းလို ဖြစ်နေတဲ့ ကိုမိုးမြင့်တိမ် ( အဲ့ဒီတုန်းက ဘလော့ခ်ဂါမဖြစ်သေးပါဘူး ) ကလည်း အမြဲအားပေး ဖတ်ရှုဝေဖန်ပေးခဲ့တယ်။ အားလုံးနဲ့ ရင်းနှီးချစ်ခင်လို့ ဘလော့ခ်တကာ လှည့်လည် တတ်လာလို့ ဘလော့ခ်လောကထဲမှာ ပျော်လာခဲ့တယ်ပေါ့။

မောင်နှမလိုဖြစ်နေတဲ့ အညာသားတို့ မင်းဝေတို့ မောင်နိုင်တို့ဆီကနေ ဆက်ပြီး ဖြိုးငယ်၊ ကိုရင်ညိမ်း၊ မီးပြတိုက်၊ ညီမငယ်အိမ်လေး၊ မင်းကျန်စစ်၊ ကိုစွမ်း၊ အောင်ဦး၊ တင့်ထူးရွှေ၊ စောမဏ္ဍိုင် တို့အားလုံးနဲ့ အကျွမ်းဝင်ခဲ့ပြီုး အပြန်အလှန် အားပေးခဲ့ကြတဲ့အတွက် ကျေးဇူးတင်ရသလို အမြဲစာလာလာဖတ်တတ်တဲ့၊ သတိတရ အလည်လာတတ်တဲ့ မေသူ၊ ညီမလေးလင်းလက်ကြယ်စင်၊ ကိုရင်နော်၊မခင်လေးနဲ့ ကလေးလေး၊ ကိုဟိန်းမင်း၊ ကလေးငယ်လေး၊ မလုလု၊ ရွှန်းမီ၊ အစ်ကိုဆည်းဆာညို ( မနဲ့မောင် )၊ ကိုအိမ်၊ ဖြိုး၊ မေမိုး၊ ကိုဂစ်တာ၊ ကိုအိမ်မက်ရှင်၊ ကိုရှင်ရဲထွတ်၊ ၀ဿန်ဦး၊ ၊ သီဟညိမ်း၊ မိုးသောက်၊ ညီမလေးစန္ဒီမိုးမြင့်၊ အစ်မဆောင်း၊ အဲလာ၊ အစ်မဆုမွန်၊ ညခင်းနဲ့လမင်း၊ မောင်လေးအလှတရား၊ မောင်လေးမင်းသန့်၊ အလွမ်းပြေ၊ ကိုနေလင်း၊ နွေဆူးလင်္ကာ၊ ကျောင်းတော်ကမောင်လေး ဖားကြီး၊ အသစ်ကလေးဖြစ်တဲ့ မောင်ရှင်းသန့်၊ ကိုဝင်းဇော်၊ အစ်ကိုဝေးလွင့်ခြင်း၊ ကိုထိုက်၂၂၊ ၊ forever love ၊ ညီမလေး နီနီဝင်း၊ ကိုဂျူလိုင်ဒရင်းမ်၊ ဂျူဝသန်၊ တက်လူငယ်၊ သုခမိန် (E-Journal)၊ နန်းညီ၊ သံလွင်ဟီးရိုး၊ မီးလေးဇာ၊ မောင်လေး Army Soul၊ ကိုဥာဏ်(စက်မှု)၊ ကိုပုလုကွေး၊ ဗီလိန်၊ မိဂုမိ၊ ကိုစိုင်းထွန်းတို့လို ဘလော့ခ်ဂါ မောင်နှမသူငယ်ချင်းတွေကိုရော အစ်မမေဇင်၊ အစ်မ sin dan lar ၊ မမငွေအိမ်စံတို့လို စာဖတ်သူတွေကိုပါ တကယ်ကိုကျေးဇူးပါလို့ ဒီပို့စ်လေးနဲ့ပဲ ပြောပါရစေ။

နောက်ထပ်၊ နောက်ထပ် GreenGirlမသိပေမယ့် မျက်စိလည် လမ်းမှားပြီး ရောက်လာရင်း ဖတ်ရှုသွားတဲ့ နိုင်ငံအရပ်ရပ်က စာဖတ်သူ သူငယ်ချင်းတွေ၊ ခြေရာမချန်၊ ကွန်းမန့်မချန်ပေမယ့် အလည်အမြဲလာတတ်တဲ့ သူငယ်ချင်းတွေ၊ အပြင်မှာ ခင်မင်နေကြတဲ့ သူငယ်ချင်းတွေ၊ အွန်လိုင်းက သူငယ်ချင်းတွေ၊ GreenGirl အဖြစ်သာမက လွမ်းသုရင်အဖြစ်ပါ အားပေးခဲ့ကြတဲ့ သူငယ်ချင်းတွေ အားလုံးအားလုံးကို ဘယ်လိုပြောရမှန်းမသိအောင် ကျေးဇူးတင်ရပါတယ်။ အချိန်ယူကာ ၀င်ရောက်ဖတ်ရှု ပေးကြတဲ့ စာဖတ်သူ သူငယ်ချင်းတွေ အားလုံးဟာ GreenGirlရဲ့ ရပ်တည်မှုတစ်ခုအတွက် အဖက်ဖက်ကနေ ထောက်ကန် ပေးခဲ့ကြတဲ့ သူတွေ၊ ကူညီဖေးမပေးခဲ့ကြတဲ့ သူတွေပါ။

ဘယ်လိုပဲ ဖြစ်ဖြစ်ပါ။ ဘလော့ခ်ဆိုတဲ့ လောကကြီးထဲမှာ မတ်တပ်စမ်းရင်း GreenGirlတစ်ယောက် တစ်နှစ်ပြည့်ခဲ့ပါပြီ။ တစ်နှစ်တာမှာ ဖြစ်တတ်ကြုံရတတ်တဲ့ ဆောင်ရန်၊ ရှောင်ရန်တွေကိုလည်း နားလည် သင့်သလောက် နားလည်ခဲ့ရပါပြီ။ ဘလော့ခ်တစ်နှစ်ပြည့်အတွက် ရည်ရွယ်ပြီး ဘလော့ခ်ကို ဒိုမိန်းပြောင်းတဲ့နေ့က ဘလော့ခ်ဂါ အစ်မတစ်ယောက်ရဲ့ သတိပေးစကားကို ကျွန်မအမှတ်တရအဖြစ် သိမ်းထားခဲ့ပါတယ်။ အစ်မက ဘာပြောလဲဆိုတော့ ဘလော့ခ်ဂါ တစ်ယောက်အနေနဲ့ ဒိုမိန်းပြောင်းလိုက်တဲ့အခါ ကိုယ့်ဒိုမိန်းကိုကိုယ် လေးစားရမယ်။ စာဖတ်သူကို လေးစားရမယ်။ တစ်နေ့တစ်ခါ မဟုတ်ရင်တောင် အနည်းဆုံးတစ်ပတ်တစ်ခါတော့ ဘလော့ခ်ကို Active ဖြစ်နေအောင် ကြိုးစားရမယ်။ ကိုယ်ရေးတဲ့စာတိုင်းမှာ စာဖတ်သူအတွက် တစ်ခုတော့ ပေးစရာပါအောင် ဂရုစိုက်ပါလို့ ပြောခဲ့ဖူးပါတယ်။

GreenGirl ၀ါသနာအရ စာရေးခဲ့ပါတယ်။ စာဖတ်သူက ထောက်ကန်ပေးတဲ့အတွက် စာရေးသူရယ်လို့ ရပ်တည်လာမိပါပြီ။ ရှေ့ဆက်ပြီးတော့လည်း စာဖတ်သူအတွက် ရသတစ်မျိုးမျိုးကို ပေးနိုင်တဲ့သူ တစ်ယောက်ဖြစ်အောင် ကြိုးစားသွားမှာပါ။ မရည်ရွယ်ပေမယ့် စာဖတ်သူအပေါ်မှာ အမှားရှိတာမျိုး ရှိခဲ့ရင် ဒီနေရာကပဲ တောင်းပန်ပါတယ်။ ဆက်လက်ပြီးတော့လည်း အားပေးနိုင်ကြပါစေလို့ မျှော်လင့်မိပါတယ်။ စာဖတ်သူဆိုတာ ရှိနေတဲ့ အချိန်အတိုင်းအတာ တစ်ခုအထိ၊ အကြောင်းတိုက်ဆိုင်နေတဲ့ ကာလတစ်ခုအထိ စာတွေရေးနေဦးမှာပါ။

အားလုံးကို ကျေးဇူးတင်စွာဖြင့်

GreenGirl

၂၀ ဒီဇင်ဘာ ၂၀၀၈

( လင့်တွေကို မကျန်အောင်တော့ စဉ်းစားပြီး ထည့်ထားပါတယ်။ ကျန်ခဲ့တာများ ရှိရင် စိတ်မဆိုးကြပါနဲ့နော်။ GreenGirl ဆီကို တစ်ခါလေးပဲ ရောက်ဖူးခဲ့ရင်တောင် စာဖတ်သူလို့ အသိအမှတ်ပြုပြီး ကျေးဇူး တင်ပြီးသားပါ။း) )