အစ်ကို့လက်ဆောင်

( 1 ) ကိုယ်က မှန်အောင်နေပြီး သူများမှားနေရင်လည်း နားလည်နိုင်ရမယ်။
( 2 ) အားနည်းချက်ကိုကြည့်ပြီး စိတ်ပျက်တတ်သလို အားသာချက်ကြောင့်လည်း အထင်ကြီးတတ်တယ်။ တစ်ဘက်စွန်းရောက်ရင် ဘယ်အရာမှမကောင်းဘူး။
( 3 ) သစ်ပင်တိုင်းမှာ အလှတစ်မျိုးစီ ရှိကြပါတယ်။ လူတိုင်းရဲ့ တစ်မျိုးစီကို မြင်တတ်ကြရင် ဘယ်လောက် သာယာလိုက်မလဲ။
( 4 ) ခွင့်လွှတ်နိုင်ဖို့ အကြောင်းပြချက် ရှာနေတတ်တယ်။ သည်းခံနိုင်ဖို့ မျိုသိပ်မှုကို မွေးယူရတယ်။ နားလည်နိုင်ပြီဆိုရင် ဆင်ခြေမပါတဲ့ ခွင့်လွှတ်မှု၊ ပွင့်လင်းတဲ့ သည်းခံမှုတွေ ဖြစ်နေပါပြီ။
( 5 ) မကောင်းတာကို ကြောက်ပြီး မကောင်းမှုလုပ်သူကို သနားလိုက်စမ်းပါ။ မကောင်းသူကို စိတ်ဆိုးလိုက်တာနဲ့ ကိုယ်ပါ သနားစရာ သတ္တ၀ါစာရင်း ၀င်သွားပြီ။
( 6 ) ကြေကွဲမှု၊ ဆုံးရှုံးမှု၊ ပျက်စီးမှုတွေနဲ့အတူ ထွက်ပေါ်လာတဲ့ "တောင်းပန်ပါတယ်" ဆိုတဲ့စကားကို လွယ်လွယ်မသုံးမိအောင် သတိထားပါ။
( 7 ) လူကြီး ကလေး၊ ကလေး လူကြီး၊ ကလေး ကလေး၊ လူကြီး လူကြီး ဆိုပြီး လေးမျိုးရှိတယ်။ နေရာထက် အရည်အချင်းက အမြဲသာနေရမယ်။
( 8 ) အခြေအနေက ပေးတဲ့အသိကို အသုံးချနိုင်တဲ့ အသိဖြစ်အောင် ကြိုးစားပြောင်းလဲ နိုင်ပါစေ။
( 9 ) အရွယ်ချင်း မတူရင်၊ နေရာချင်း မတူရင်၊ အဖြစ်ချင်း မတူရင် အသိချင်း မတူနိုင်ပါဘူး။
( 10 ) စိတ်တူကိုယ်တူဖြစ်နိုင်တဲ့ ထုံးစံမရှိပေမယ့် ဖြစ်အောင်တော့ နေကြရမှာပဲ။ အဲဒါမှ အရည်အချင်း။
( 11 ) မသင့်တော်တဲ့ နေရာကို ရောက်ခဲ့ရင်တောင်မှ သင့်တော်တဲ့ အကျင့်တွေကို ဖျောက်မပစ်ပါနဲ့။
( 12 ) မင်းလိုပဲ... သူတို့ပြောတာသာ အဟုတ်၊ သူတို့လုပ်တာသာ အမှန်၊ သူတို့ကြံတာသာ အကောင်းထင်နေကြတယ်။
( 13 ) အလိုက်မသိသူ တစ်ယောက်ကြောင့် ကိုယ်ပါ အလိုက်မသိသူ အဖြစ်မခံပါနဲ့။
( 14 ) ကဲ့ရဲ့စရာတွေ့ရင် ပါးစပ်ကို တတွတ်တွတ်နဲ့ အမြဲဖွင့်တတ်ပေမယ့်၊ ချီးမွမ်းစရာကြုံရင် ပါးစပ်ကို သော့ခတ်ပြီး အသေပိတ်ထားတတ်ကြတယ်။
( 15 ) မူရင်းကောင်းမှ မိတ္တူကောင်းမယ်။
( 16 ) သနားစရာကို သနားတာကောင်းတဲ့ အလုပ်ပါ။ ဟန်ဆောင်တာကို မသိရင်တော့ လူညံ့ဖြစ်သွားပြီ။
( 17 ) "ကိုယ့်ကိုယ်ကို အချစ်ဆုံးပါပဲ" အဲဒီစကားကို မယုံရင် တလောကလုံးရဲ့ အလိမ်အညာတွေကို ခံနေရပြီမှတ်။

အစ်ကို ကျွန်မကို ပေးခဲ့ဖူးတဲ့၊ နားလည်စေချင်ခဲ့တဲ့ အချက်လေးတွေပါ။ ကျွန်မကို ပြောသလို သူ့ချစ်သူကို သွားပြောမိလို့ ဆရာလုပ်တာလားဆိုပြီး ချစ်သူရဲ့ စိတ်ဆိုးခြင်းကို ခံခဲ့ရဖူးပါတယ်။ ကျွန်မ မှတ်မိနေဆဲပါ....။