မျောလျက်သာပဲ

လေပြင်းငယ် ပွေ၊ လေပြေလျှင် လည်း။
ချောင်းကျယ် ဘယ်မငြင်း၊ ချောင်းကျဉ်းလျှင် လည်း။

နေပူတုန်း ခါ၊ မိုးရွာလျှင် လည်း။
လသာသာ ပျိုအိုကြိုက်၊ လမိုက်လျှင် လည်း။

အဖော်ငယ်စုံ၊ ဖော်မစုံလျှင် လည်း။
ပွင့်ဖူးငုံ အကုန်လန်း၊ နွမ်းနယ်လျက် လည်း။

စုန်ပြန်ရ အဖန်ဖန်၊ ဆန်ပြန်ရ တလဲလဲ။
မဗေဒါ ဒီရေကြောမှာ၊ မျောလျက်သာပဲ။



ဆရာဇော်ဂျီ
ရန်ကုန်တက္ကသိုလ် နှစ်လည်စာစောင် ( ၁၉၅၇ - ၁၉၅၉ )
ဗေဒါလမ်း ကဗျာစုမှ ကောက်နှုတ်ချက်

[+/-] အပြည့်အစုံဖတ်ရန်...

[+/-]ပြန်ခေါက်ရန်...

တုခဲ့သော အစစ်များ

~~~ဒီအချိန်ဆို လွမ်းတယ်... ဒီအချိန်ရောက်ရင် ပိုသတိရတယ်...~~~

ပါးစပ်ဖျားသို့ အမှတ်မထင်ရောက်လာသည့် သီချင်းလေးတစ်ပုဒ်ကို လူမသိသူမသိ ညည်းလိုက်မိသည်။

"ဟုတ်တယ်... ဒီအချိန်ရောက်ရင် စိတ်ထဲမှာ တစ်ခုခုကို သတိရနေမိတယ်"

မျက်နှာချင်းဆိုင်က လေးထောင့်စပ်စပ် အရာလေးရဲ့ ညာဘက်ထောင့်ကိုကြည့်မိတော့ ငါးနာရီတဲ့...။

တစ်နေ့တာ ကုန်ဆုံးသွားပြန်ပြီပေါ့။ ခုနစ်နာရီကျော် မရပ်မနား လှုပ်ရှားလည်ပတ်လာရသည့် ဦးနှောက်တို့ကလည်း ပူနွေးလို့ မလည်ချင်လည်ချင် ဖြစ်နေကြပြီ။

"ဘယ်အချိန်ရှိပြီလဲ... မပြန်ရသေးဘူးလား"

"အလုပ်များနေတာလား... လုပ်လုပ်"

"ပြန်ရတော့မယ်နော်... အားတင်းထား"

"ပြန်ရင်ပြောနော်... ငါ ဖုန်းခေါ်လိုက်မယ်"

"ငါတောင် ကျောင်းကပြန်ရောက်ပြီ...နင် မပြန်ရသေးဘူးလား"

"နင်ပြန်တော့မှာမလား။ ငါထမင်းချက်လိုက်ဦးမယ်နော်။ အိမ်ရောက်မှ တက်ခဲ့လေ"

ဒီစာလုံးလေးတွေကြားမှာ ကျေနပ်ခဲ့ဖူးသည်။ ဘ၀အမောတွေ တခဏပြေပျောက်ခဲ့ဖူးသည်။ ပျော်ရွှင်ရယ်မောခဲ့ဖူးသည်။ အထီးကျန်မှုတွေ လွင့်စင်စေခဲ့ဖူးသည်။

သြော်...အခုတော့လည်း ဒါတွေဟာ ဘ၀တစ်ခုခြားခဲ့သလိုပါပဲလား။ ဘာမှမသက်ဆိုင်တော့သလိုပါပဲလား။ ဒီစာလုံးလေးတွေကို ဘယ်တော့မှ ပြန်မရနိုင်တော့မှန်း သိသိနှင့် မသိစိတ်တစ်ခုမှ အကြိမ်ကြိမ်ပြန်လည် တမ်းတနေမိသည်။

Vibration အသံတစ်ခုကို ကြားမိလို့ ကြည့်လိုက်တော့ ဖုန်းမက်ဆေ့ခ်ျလေးတစ်ခု...

"Come out from office."

သက်ပြင်းတစ်ချက်ရှိုက်ရင်း လက်ရှိအချိန်များသို့ စိတ်အလျင်ကို ဆွဲခေါ်လိုက်သည်။ တကယ့်ဘ၀အတွက် အရိပ်တစ်ခုလို အုပ်မိုးပေးလာသည့် သူ့မျက်နှာက မျက်လုံးထဲမှာ ထင်ထင်ရှားရှား။

"အတုဆိုတာ အစစ်ကို ဘယ်လိုမှတော့ လိုက်မမီနိုင်ပါဘူး" တဲ့။ အတုတွေလို့တော့ ထင်ခဲ့ရသား။ ဒါပေမယ့် "အစစ်တွေ ဖြစ်သွားကြတယ်"လို့ ပြောရင်... ဘယ်သူက ယုံမှာတဲ့လဲ။

တကယ်ပဲ ဒီအချိန်ဆို လွမ်းတယ်... လွမ်းတယ်ကွယ်...

~ ~ ~ ~ ~

[+/-] အပြည့်အစုံဖတ်ရန်...

[+/-]ပြန်ခေါက်ရန်...

ဒုတိယမြောက် အိပ်မက်ခြင်း

အဖြူရောင်အောက်ခံမှာ အစိမ်းရောင်ပွင့်ရိုက် ၀တ်စုံအထက်အောက် ၀မ်းဆက်ဝတ်ဆင်ထားသော မိန်းကလေးတစ်ဦး... သူ့ဘေးမှာ အသားဖြူဖြူ အရပ်ထောင်ထောင်မောင်းမောင်းနဲ့ တီရှပ်အဖြူရောင် အညိုရောင်ဘောင်းဘီရှည်ကို ၀တ်ဆင်ထားသော ရွယ်တူယောကျာ်းလေးတစ်ဦး...။

ရွှေတိဂုံဘုရား တောင်ဘက်မုခ်က ဗုဒ္ဓဟူးဂြိုလ်တိုင်မှာ တစ်ယောက်တလှည့်ရေသပ္ပါယ်ပြီး တတွတ်တွတ်ဆုတောင်းနေတယ်။ ပြီးတော့ ဘုရားကိုလက်ယာရစ် သုံးပတ်ပတ်တယ်။ အစိမ်းရောင်ဖျော့ဖျော့ထီးတစ်လက်ကို ဆောင်းပေးထားတဲ့ ကောင်လေးရဲ့အရိပ်ကိုမှီတွဲလို့ နေ့လည် ၁၂:၀၀နာရီ နေပူကျဲကျဲကို မထီမဲ့မြင်ပြုကာကောင်မလေးတစ်ယောက် စကားတွေ တတွတ်တွတ်ပြောရင်း လိုက်ပါလာခဲ့တယ်။ သူတို့နှစ်ယောက်လုံးရဲ့ မျက်နှာလေးတွေက ကြည်လင်လို့၊ သူတို့ဘယ်လောက် ပျော်နေလဲဆိုတာ မြင်ရုံနဲ့ သိနိုင်ကြမှာပါ...။တောင်ဘက်မုခ်ကနေ သူတို့ဆင်းသွားကြပြီ။ နံပါတ် (၂၀၄) လိုင်းကားကိုစီးပြီး မြေနီကုန်းရောက်တော့ကားပေါ်ကဆင်းလိုက်ကြတယ်။ နောက်တော့ ပြည်လမ်းကိုလမ်းကူးပြီး ဗားကရာလမ်းအတိုင်း တည့်တည့်လမ်းလျှောက်လာကြတယ်။ သူတို့ဘယ်သွားမလို့ပါလိမ့်....။

ဟော... မြင်နေရပြီ။ Y.K.K.Oဆိုတဲ့ဆိုင်းဘုတ်။ သူတို့ကြေးအိုးလာစားကြတာ ဖြစ်နိုင်တယ်။ သေချာတာပေါ့။သူတို့ဆိုင်ထဲကို ၀င်သွားပြီး၊ အပ်ါထပ်ကို တက်သွားကြတယ်။ အပေါ်ထပ်ရဲ့ မှန်ပြူတင်းဘက် မျက်နှာစာကစားပွဲအလွတ်တစ်ခုမှာ နေရာယူပြီး ကြေးအိုးကို ကြက်နဲ့တစ်ပွဲ ၀က်နဲ့တစ်ပွဲမှာနေတယ်။ ပြီးတော့ ကောင်မလေးကဆားငံသီးဖျော်ရည်လည်း မှာလိုက်သေးတယ်။ စားစရာတွေမှာထားတုန်းမှာ ကောင်မလေးက သူယူလာတဲ့လက်ဆွဲအိတ်ထဲက ပစ္စည်းတွေကို တစ်ခုချင်းထုတ်ပြီး ကောင်လေးကိုပေးနေတယ်။ MP3 Playerလေးတစ်ခု၊စီဒီ နှစ်ချပ်၊ ပြီးတော့ လက်ခလယ်လောက်အရွယ် ရှည်မျောမျော အစိမ်းရောင် ကျောက်တုံးငယ်လေးနှစ်ခု၊တစ်ခုကို ကောင်လေးကိုပေးပြီး ကျန်တဲ့တစ်ခုကို သူပြန်ယူထားလိုက်တယ်။ ပြီးတော့ ပြောသေးတယ်။ ဆေးပုလင်းခေါင်းဖြတ်တဲ့အခါ သုံးဖို့တဲ့။

စားစရာတွေရောက်လာတော့ စကားစပြတ်ပြီး စားတဲ့ဘက်ကို အာရုံရောက်သွားကြတယ်။ ကောင်လေးက ပလတ်စတစ်အိပ် စွတ်ထားတဲ့ တူတစ်စုံကို တယုတယ ခွာပေးပြီး ကောင်မလေးကို ပေးလိုက်တယ်။ကြေးအိုးကို ဖြည်းဖြည်းချင်းစားနေတဲ့ ကောင်မလေးကိုကြည့်ပြီး ပြုံးစိစိလုပ်နေတဲ့ ကောင်လေးက အစားစားတာကို နည်းနည်းချင်းစီပဲ ဘာလို့စားတာလဲတဲ့။ ကောင်မလေးဘာမှ ပြန်မဖြေဘူး။ ပြုံးရုံလေးပဲ ပြုံးပြလိုက်တယ်။ နောက်တော့ စားသောက်ခြင်းကို ရပ်လိုက်ပြီး တစ်ယောက်နဲ့တစ်ယောက် စကားတွေပြောနေကြလေရဲ့။မှန်ပြူတင်းကနေ အပြင်ကိုကြည့်မိတော့ မိုးတွေကရွာလို့။ မိုးအတိတ်ကိုစောင့်ရင်း စကားတွေပြောနေလိုက်ကြတာ။သူတို့ ဘာတွေပြောနေကြတာလဲ။ မျက်နှာလေးတွေကတော့ ပြုံးနေတာပဲ။ အဲဒီလို နှစ်ယောက်အတူတူ ရှိနေခဲ့တာ အဲဒီနေ့ကနောက်ဆုံးပဲဆိုတာကို သူတို့မသိခဲ့ကြဘူးထင်ပါရဲ့...။ သည်းနေတဲ့မိုးကတော့ သိနေသယောင် အညှိုးနဲ့ရွာနေတော့တယ်။

တဖြည်းဖြည်း မိုးစဲသွားတော့ နှစ်ယောက်သား ကြေးအိုးဆိုင်က ထွက်ပြီးမြေနီကုန်းက လမ်းပြန်လျှောက်လာကြပြန်ပြီ။ အဲဒီအချိန်မှာ တီကနဲ ကားဟွန်းသံတစ်ချက်ကိုကြားလိုက်ရတယ်။ လန့်ပြီးနာရီကိုကြည့်လိုက်တော့ မနက်ခုနစ်နာရီခွဲ။ မိုးလင်းတာကလည်း မြန်လိုက်တာလို့ တိတ်တဆိတ်ရေရွတ်မိတယ်။

ဘာလိုလိုနဲ့ သူ့မွေးနေ့တွေမှာ ကိုယ်နဲ့အတူ မရှိနိုင်တော့တာ သုံးနှစ်တောင် ရှိခဲ့ပြီပဲလေ...။ ခုဆိုရင်သူလည်း ကိုယ့်လိုပဲ သတိရနေမလား မသေချာပေမယ့် သူ့ဘ၀နဲ့သူတော့ သာသာယာယာ ရှိနေလိမ့်မယ်လို့တော့ မျှော်လင့်နေမိတယ်။

ငယ်ချစ်ဦးဆိုတာ အနှစ်တစ်ရာ မမေ့သာတဲ့...။ ချစ်ခြင်းကို မုန်းလို့ရပေမယ့် သံယောဇဉ်ဆိုတာ တွယ်မိရင် ဖြတ်ဖို့ခက်တဲ့အရာ... ။

[+/-] အပြည့်အစုံဖတ်ရန်...

[+/-]ပြန်ခေါက်ရန်...

၁၁ - ၀၉ - ၂၀၀၀ ~ ၁၁ - ၀၉ - ၂၀၀၉

လွန်ခဲ့သော ကိုးနှစ်... ဒီလိုနေ့...

ထိုနေ့က ကျွန်မဘေးမှာ အမြဲထိုင်နေတတ်သည့် ဖြူဖြူသွယ်သွယ် သူငယ်ချင်းမလေးတစ်ယောက် ရုတ်တရက် ပျောက်ကွယ်သွားခဲ့ပါသည်...။

သူဘာကြောင့် ပျောက်ကွယ်သွားသည်ကိုလည်း ကျွန်မစိတ်မ၀င်စားမိခဲ့။ ဆက်သွယ်ရန်ဖုန်းနံပါတ် ရှိနေခဲ့သော်လည်း ကျွန်မ မစုံစမ်းဖြစ်ခဲ့ပါ။ သည်လိုနှင့် သူ၏သင်တန်းပျက်ရက်တွေ များလာခဲ့တော့သည်။ စာကြိုးစားသော သူမသည် မည်သည့်အကြောင်းနှင့်မျှ သင်တန်းကို ရက်ရှည်ရှည် မပျက်ကွက်ခဲ့ဖူးပါ။

သူမ၏ပုံစံက... ခပ်အေးအေးနှင့် ဖာသိဖာသာ နေတတ်သည့် ပုံစံမျိုး...။ တော်ရုံလည်း စကားမပြောတတ်။ ကျောင်းသူ၊ ကျောင်းသားများအလယ်တွက် "စာကြမ်းပိုး"ဟု ခေါ်ခံရတတ်သော ပုံစံ။ အမှန်တကယ်ပင် သူမသည် စာတော်သော ကျောင်းသူတစ်ယောက် ဖြစ်ခဲ့ပါသည်။ ဆယ်တန်းအောင်စာရင်းများ ထုတ်ပြန်ခဲ့စဉ်က သူမကို ဆရာဝန်လောင်းဟု သူငယ်ချင်းများက သတ်မှတ်ခဲ့ကြသေးသည်။

ရက်သတ္တတစ်ပတ်ခန့် ကြာသောအခါ သူမအိမ်သို့ ကျွန်မဖုန်းဆက်ခဲ့မိသည်။ သူမဆီမှ ၀မ်းနည်းအားငယ်သော အသံတစ်ခုကို ကြားလိုက်ရသည့် အခါတွင်တော့ ခပ်စောစော သတင်းမမေးမိခဲ့သော ကိုယ့်ကိုယ်ကိုသာ အပစ်တင်ခဲ့မိပါတော့သည်...။

သင်တန်းပြန်တက်သည့်အခါတွင်တော့ သူမဆီမှ "အဖေ"ဟူသော စကားလေးတစ်ခွန်းကို သိပ်မကြားရတော့ပါ။ နောက်တစ်လ၊နှစ်လခန့်ကြာသည့်အခါ လက်ရှိနေအိမ်မှ ပြောင်းရွှေ့ရတော့မည်ဟု သူမပြောလာခဲ့သည်။ ရေနံချေးဝနေသော... ၊"အဖေ"ဆိုသည့် အရိပ်များ ဆက်လက်ရှင်သန်နေသေးသော အိမ်အမှတ် (၃) ကို သူမတို့မိသားစု စွန့်ခွာခဲ့ကြရသည်။

တစ်ခါတစ်ရံ တိုက်ဆိုင်သည့်အခါ "ညနေရုံးကပြန်တိုင်း လက်ထဲမှာ မုန့်တွေဆွဲပြီး ပြန်လာတတ်သည့်" သူမ၏ဖခင်အကြောင်းကို ဆွေးဆွေးမြေ့မြေ့ကလေး ပြောနေတတ်သည်။ ထိုအကြောင်းအရာများကို ကျွန်မ၏ဖေဖေအား ပြန်ပြောပြသည့်အခါ "ဦး...ရှိစဉ်က..." ဟု အစပြုပြီး ဖေဖေက အလွန်အေးဆေးသော၊ စိတ်စေတနာကောင်းရှိသော သူ၏ လုပ်ဖော်ကိုင်ဖက်ကောင်းတစ်ယောက် အကြောင်းကို ပြောပြတတ်သေးသည်။

တက္ကသိုလ်ဝင်ခွင့်များ လျှောက်ကြသည့်အခါ ဆယ်တန်းအောင်အမှတ်စာရင်းကောင်းသော သူမအား အစ်မဖြစ်သူက ဆေးတက္ကသိုလ်သို့သာ ပထမဦးစားပေး လျှောက်ထားစေချင်သော်လည်း သူမကတော့ မရွေးချယ်ချင်ခဲ့ပါ။ "အဖေရှိရင်တော့ တစ်မျိုးပေါ့..."ဟု သူမပြောခဲ့စဉ်က သူမနှင့်ထပ်တူ ကျွန်မ ၀မ်းနည်းကြေကွဲခဲ့ရဖူးသည်။

ဆရာဝန်မဖြစ်ခဲ့သော သူမသည် ယခုအချိန်တွင်တော့ ပရိုဂရမ်မာကောင်းတစ်ယောက် ဖြစ်လာခဲ့ပြီ။ အောင်မြင်မှုတစ်ခုကို ရရှိတိုင်း၊ နေရာအဆင့်တစ်ခုကို ရရှိတိုင်း သူမကိုအမြဲတစေ လမ်းညွှန်ပြသပေးခဲ့သည့်၊ ချီးကျူးအားပေးခဲ့သည့် "ဖခင်"ကို သူမသတိရနေတတ်သည်။ သူမ၏ ကိုယ်ပိုင်ဘလော့ခ်လေးတစ်ခုကို ဖန်တီးခဲ့စဉ်က ထိုဘလော့ခ်လေး၏ ခေါင်းစဉ်ကိုပင် သူမ၏ဖခင် နှစ်ပေါင်း ၄၀ခန့် တိုင်းမန်နေဂျာအဖြစ် တာဝန်ထမ်းဆောင်ခဲ့သော ဒေသကို အမှတ်တရအဖြစ် "ဧရာဝတီ"ဟု ခေါင်းစဉ်တပ်ခဲ့သည်။

လွန်ခဲ့သော ၂နှစ်... ၂၀၀၇ခုနှစ် စက်တင်ဘာလ ၁၁ ရက်နေ့တွင် Friendster Blogမှာ သူမရေးသားခဲ့သော စာပိုဒ်လေးတစ်ခုကို ယနေ့အထိ မှတ်မှတ်ရရ ရှိနေစဲ...။ စာတစ်ပိုဒ်လုံး မဟုတ်သောလည်း နိဂုံးတစ်ကြောင်းကိုတော့ ကျွန်မ သေသေချာချာ မှတ်မိနေသေး၏။

"At that days of 7 years ago... My Beloved and Admire Most person,My Father was passed away... " တဲ့...

ယနေ့ဆိုလျှင် နှစ်ပေါင်း ၉နှစ်တိတိ ပြည့်ခဲ့ပါပြီ...

သူမ၏ GTalk တွင် မီးလင်းနေသော ဖယောင်းတိုင်လေးတစ်ခုကို ကျွန်မ တွေ့နေရသည်။

ထိုဖယောင်းတိုင်လေးသည် မည်သို့ အဓိပ္ပါယ်ရှိနိုင်သည်ကို ကျွန်မသေချာမသိခဲ့ပါ။

ဘ၀အတွက် အင်အားအကောင်းဆုံး အလင်းတိုင်တစ်ခု ငြိမ်းသွားခဲ့သည်မှာ ကိုးနှစ်တိတိရှိခဲ့ပြီဟု ဆိုလိုချင်ပါသလား...

သူမ၏ဖခင် ထွန်းညှိပေးခဲ့သော အလင်းရောင်ကြောင့် သူမ၏ဘ၀သည် ယနေ့ထိတိုင် တစ်နေ့တခြား ပိုမိုတောက်ပလာသည်ဟု သူမဆိုလိုချင်ပါသလား...

အဓိပ္ပါယ် နှစ်ခုလုံးကိုပင် သူမပြောချင်သည်လား.... ဟု ကျွန်မတွေးနေမိပါသည်။

တကယ်တော့ "ဖခင်"ဆိုသည်မှာ မသန်မစွမ်းဘဲ အိပ်ရာထဲတွင် လဲနေလျက် အသက်ရှိနေသေးလျှင်ပင် သားသမီးများအတွက် ခွန်အားတစ်ခု၊ အခန်းထောင့်တစ်နေရာတွင် ထွန်းညှိထားခဲ့လျှင်ပင် တစ်ခန်းလုံး လင်းထိန်နေစေမည့် အလင်းတိုင်တစ်ခုပင် မဟုတ်ပါလား...။

( အချစ်ဆုံးသူငယ်ချင်း KZ အတွက် )

[+/-] အပြည့်အစုံဖတ်ရန်...

[+/-]ပြန်ခေါက်ရန်...

ပါးစပ်နဲ့ TAG တဲ့ လတ်တလော

သက်ပိုင်သူက 'လတ်တလော' ဆိုတဲ့ ပို့စ်လေးတစ်ခုကို မမနော် TAG လို့ရေးတယ်တဲ့။ အဲ့ဒီပို့စ်လေး ရေးအပြီးမှာ သူကကိုယ့်အလုပ်များနေမှန်းသိလို့ ထပ်မတက်ထားပေမယ့် ကိုယ်ကလည်း ရေးချင်နေတဲ့အကြောင်းလေးတွေ ရှိနေတာကြောင့် "ငါ့ကို TAG" လို့ ပြောလိုက်မိတယ်။ ဒီတော့ သူကလည်း ပို့စ်ထဲမှာတော့ ပြင်မရေးတော့ဘူး။ ငါတက်တယ်လို့သာရေးပြီး TAG ပို့စ်ရေးတော့လို့ ပြောတယ်လေ။ ဒီတော့လည်း ပါးစပ်နဲ့ TAG တယ်လို့ပဲ မှတ်ပြီး လတ်တလောမှာ ကိုယ်ဖြစ်နေတဲ့အကြောင်းလေးတွေကို ရေးရရင်တော့...

တွေးနေမိတာက - လွန်ခဲ့တဲ့ ၂လကျော်က အဖြစ်အပျက်တွေ


ကိုယ့်ကိုယ်ကို ပြန်ဆင်ခြင်မိတာက - အမြဲတမ်းလိုလို မထင်မှတ်တာတွေနဲ့ ရင်ဆိုင်ရတတ်သူ


ကျန်းမာရေး - ချူချာပေမယ့် လှုပ်ရှားရုန်းကန်နေရတာပါပဲ


ဖတ်ဖြစ်တဲ့ စာအုပ်တွေက - လွမ်းတေးမဆုံးစေနဲ့စောသခင် ကိုစဖတ်မိကတည်းက ဇာတ်သိမ်းထိရောက်အောင်ကို မဖတ်နိုင်သေးတာ


ရောက်နေဖြစ်တာက - Tiong Bahru Plazza


ရေးဖြစ်နေတာက - စာနဲ့မထိတွေ့တာ ၄၄ရက်ရှိသွားပြီ


နားထောင်ဖြစ်နေတာက - ချစ်တယ်


ဖြစ်ချင်နေတာက - တစ်နေရာရာမှာ အခြေတကျနေချင်နေတာ။ အိမ်ခဏခဏ မပြောင်းချင်ဘူး။


သောက်ဖြစ်နေတာက - ဘလက်ကော်ဖီ


ခါးသက်နေမိတာက - အိမ်ရှာရတဲ့အလုပ်


သနားနေမိတာက - လတ်တလော အဖြစ်အပျက်တွေထဲမှာ ကိုယ့်အနားမှာ မျှဝေခံစားပေးနေတဲ့ ဆန့်ကျင်ဘက် လူသားနှစ်ဦး


လွမ်းနေမိတာက - တစ်ချိန်က အကြောင်းအရာတွေအားလုံး...


မေ့လျော့ပစ်နေမိတာက - မျက်ရည်နဲ့အဖော်ပြုခဲ့ရတဲ့နေ့ရက်တွေ...


တမ်းတနေမိတာက - လုံခြုံအေးချမ်းမယ့် ရင်ခွင်တစ်ခု


ချီးကျူးနေမိတာက - ကိုယ့်ထက်သာလွန်ကောင်းမွန်တဲ့ အရည်အချင်းရှိသူတွေအားလုံး


အထင်သေးနေမိတာက - ဘယ်သူကိုမှတော့ အထင်မသေးရဲပါဘူး။


ဆန္ဒမရှိတဲ့နေရာ - လူစုလူဝေးတွေ များနေတတ်တဲ့နေရာ


ဆန္ဒရှိနေတဲ့ကိစ္စ - ဆန္ဒတစ်ခုနှင့်ရပ်တည်ခဲ့သောနေ့စွဲများ ဆက်လက်ရှင်သန်စေဖို့


မုန်းတီးနေမိတာက - ဘယ်သူကိုမှ မမုန်းမိအောင်နေပါတယ်


ချစ်နေတာက - ကြမ်းရှဖြူသွယ်တဲ့ လက်ဖ၀ါးတစ်စုံ


စိတ်ပျက်နေမိတာက - ထုံနေတဲ့ကိုယ့်စိတ်


စွဲလန်းနေမိတာက - ပြောရခက်တဲ့အရာတွေ...


လိုအပ်နေတာက - ၃+၁ အိမ်ခန်းတစ်ခန်း


တောင်းနေမိတဲ့ဆု - ဆုတောင်းတိုင်းသာ ပြည့်မယ်ဆိုရင်လေ....


( အိမ်အပြောင်းအရွှေ့မှာ အလုပ်များတာရော၊ အင်တာနက်မရတာရော ပေါင်းပြီး ၄၄ရက် ခွင့်မဲ့ပျက်ကွက်သွားပါတယ်။ အဲ့ဒီအတွက် ရင်းနှီးတဲ့သူငယ်ချင်းတွေကိုတော့ အကြောင်းရင်းပြောဖြစ်ပေမယ့် ဘလော့ခ်ပေါ်မှာတော့ ဘာကြောင့်လို့ မရေးဖြစ်ခဲ့ပါဘူး။ အခုမှပဲ အကြောင်းတိုက်ဆိုင်လို့ ရေးဖြစ်ပါတယ်။ ပါးစပ်နဲ့ TAG ရေးခွင့်ပေးတဲ့ သက်ပိုင်သူနဲ့ ဘာမှအသစ်မရှိလည်း လာလည်မြဲလည်နေကြတဲ့ သူငယ်ချင်းတွေအားလုံးကို ကျေးဇူးတင်ပါတယ်။ )

[+/-] အပြည့်အစုံဖတ်ရန်...

[+/-]ပြန်ခေါက်ရန်...

အချစ် = ခလုတ်တိုက်ခြင်း

ဒီနေ့ မောင်နှမလိုခင်နေတဲ့ အစ်ကိုတစ်ယောက်နဲ့ စကားပြောရင်း အချစ်အကြောင်းပြောမိတဲ့အခါ အချစ်ဟာ ဘ၀မဟုတ်ဖူးလို့ ပြောမိရာက ဒီစိတ်ကူးကို ရသွားတယ်။

အစ်ကိုက ကျွန်မကိုပြောတယ်လေ...ညီမလေးရယ် အချစ်ဆိုတာ ဘ၀မဟုတ်ပါဘူးတဲ့။ ကျွန်မကလည်း အစ်ကိုပြောတာ ဟုတ်ပါတယ်လို့။ တကယ်တော့ အချစ်ဆိုတာ လမ်းလျှောက်ရင်း ခလုတ်တိုက်မိတာပါပဲလို့ ပြန်ပြောလိုက်တယ်။

လူတိုင်းလူတိုင်း ကိုယ့်လမ်းကို ကိုယ်သွားနေကြတာပါ။ တစ်ချို့ကတော့ ခလုတ်မထိပဲ ချောချောမောမောနဲ့ လိုရာခရီးကို ရောက်သွားတယ်။ တချို့ကျတော့လည်း လမ်းပေါ်က ကျောက်စရစ်ခဲလေးတွေနဲ့ ခလုတ်တိုက်မိတယ်။ ခလုတ်တိုက်ပြီး ဘာမှမဖြစ်သလိုနဲ့ ဆက်ပြီးလမ်းလျှောက်သွားလို့ ရတဲ့သူ ရှိသလို ခြေထောက်နာသွားတဲ့သူတွေလည်း ရှိတယ်။ အချိန်တန်တော့လည်း နာတဲ့ခြေထောက်က ကောင်းသွားတာပါပဲ။

အဲ..တစ်ချို့ကျပြန်တော့ ခလုတ်တိုက်တာ ခြေသည်းတောင် လန်ထွက်သတဲ့။ ဒါပေမယ့် လန်သွားးတုန်းခဏပဲ နာလှချည်ရဲ့၊ နောက်ဆို သတိထားတော့မယ်ဆိုပြီး ခြေသည်းအသစ်လည်း ထွက်လာရော အမလေး ခလုတ်တိုက်တာများ ဘာအရေးလဲ၊ ခြေသည်းခွာတာများ စကားထဲထည့်ပြောလို့၊ ခွာလိုက်လည်း နောက်တော့ အသစ်ပြန်ထွက်တာပါပဲ ဆိုပြီး ပေါ့ပေါ့လေးဖြစ်သွားတတ်တဲ့ လူတွေလည်း ရှိကြတယ်။

ဒါပေမယ့် ခလုတ်တိုက်တာခြင်း အတူတူ မှောက်ရက်လဲလို့ ဒူးပြဲတဲ့သူကျတော့ ဒူးပြဲတဲ့ဒဏ်ရာက သေတဲ့အထိ အမာရွတ်အဖြစ် ကျန်သွားတတ်တယ်။ လမ်းပေါ်က ခဲလေးတွေတွေ့ရင်လည်း ခလုတ်တိုက်မှာကို အရမ်းကြောက်ပြီး သတိထားရှောင်သွား တတ်ကြတယ်။

ကဲ...ဒီတော့ ခလုတ်တိုက်ခြင်းဆိုတာ အချစ်လိုပဲလို့ စဉ်းစားမိလိုက်တယ်။ ဟုတ်ပါတယ်... အချစ် = ခလုတ်တိုက်ခြင်းပါပဲ...။

[+/-] အပြည့်အစုံဖတ်ရန်...

[+/-]ပြန်ခေါက်ရန်...

အားကိုးလျက်ပါ ဖေဖေ

"အားကိုးစမ်းဘာ"

လက်မောင်းကို ကာယဗလမောင်တွေ ဟန်ရေးပြသလို ကွေးလို့ အသံမာမာနဲ့ ပြောလိုက်တဲ့ ဖေဖေ...
စွယ်ကျယ်အင်္ကျီဝတ်ထားသည်းအတွက် လက်မောင်းမှ ကြွက်သားတွေက ဖုထစ်လို့နေသည်။ အဲ့ဒီလိုဟန်ပန်နှင့် ပြောတတ်သည့် ဖေဖေ့ကိုကြည့်ရင်း ကျွန်မပျော်နေတတ်ခဲ့သည်။ အဲ့ဒီတုန်းက ကျွန်မကောင်းကောင်း သိတတ်စအရွယ်... ၉နှစ်၊ ၁၀နှစ်သမီးလောက်ပဲ ရှိဦးမှာပါ။

"အဖေကြီးရေ... မီးဖိုကွိုင်ပျက်သွားပြီ လုပ်ပေးပါဦး" ၊ "ဈေးသွားမလို့ စက်ဘီးနဲ့လိုက်ပို့ပါလား" အဲ့ဒီလို အသေးအမွှားလေးကအစ "လကုန်ရင် သမီးတွေ ကျောင်းအပ်ဖို့ ပိုက်ဆံလိုသေးတယ်၊ ဖုန်းဖိုး အခွန်လည်းပေးရဦးမယ်။ သားကလည်း ပိုက်ဆံလှမ်းမှာနေပြီ။" ဆိုတာတွေအထိ မေမေက အားကိုးသလို... "သမီး ကျောင်းသွားတော့မယ် ဖယ်ရီဂိတ်ကို လိုက်ပို့ပါလားဟင်" ၊ "စက်ဘီးက လေမရှိတော့ဘူး... ဖေဖေ လေထိုးပေးပါဦး" စသည်ဖြင့်လည်း ချွဲနွဲ့တတ်သော ကျွန်မတို့ သားသမီးတွေရဲ့ တစ်ခုတည်းသော အားကိုးရာလည်း ဖြစ်ခဲ့သည်။

သားသမီးတွေကို စက်ဘီးစီးတတ်စေချင်လို့ သားတလှည့် သမီးတလှည့် စက်ဘီးစီးသင်တဲ့နောက် ရေကျော်ရပ်ကွက် တစ်ပတ်လုံးကို မမောနိုင်မပန်းနိုင် ပြေးလိုက်ရင်း ထိန်းကျောင်း သွန်သင်ပေးခဲ့တဲ့ဖေဖေ၊

နေပူမိုးရွာမရှောင် သားသမီးသုံးယောက်ကို တစ်ယောက်တစ်လှည့်စီ စက်ဘီးနောက်မှာတင်ရင်း ခေါက်တုံ့ခေါက်ပြန် ကျောင်းပို့ပေးခဲ့တဲ့ဖေဖေ၊

ရုံးပြန်မိုးချုပ်လို့ ဘယ်လောက်ပဲ ပင်ပန်းနေပါစေ သားသမီးတွေ သွားလေရာကို မငြီးမငြူ ကားတစ်စီးနဲ့ လိုက်ပို့လိုက်ကြို လုပ်တတ်တဲ့ဖေဖေ၊

ဘာအခက်အခဲပဲ ရှိရှိ သားသမီးကို အသိမခံပဲ ကျိတ်ပြီး ဖြေရှင်းတတ်တဲ့ ဖေဖေ၊

သားသမီးအတွက် ကိုယ့်ကိုယ်ကို အင်ဂျင်နီယာဆိုတာကိုတောင် ဘေးချိတ်ပြီး ဘယ်လိုပုံစံမျိုးနဲ့ပဲ ဖြစ်ပါစေ စီးပွားရှာရဲတဲ့ ဖေဖေ၊

သားသမီးတွေကို ပါးစပ်ကတစ်ခွန်းမှ မပြောပဲ စိတ်ထဲကနေ ကျိတ်ချစ်တတ်တဲ့ ဖေဖေ...

အဖေက "အားကိုးစမ်းပါ" လို့ မပြောလည်း ကျွန်မ အဖေ့ကို အားကိုးခဲ့တယ်။ ကိုယ့်ခြေထောက်ပေါ် ကိုယ်ရပ်နိုင်နေလည်း အဖေ့ကို ကျွန်မ အားကိုးဆဲပါပဲ။ အဖေအသက်တွေကြီးလို့ ဘာအလုပ်မှ မလုပ်နိုင်တော့ရင်လည်း သက်ရှိထင်ရှား ရှိနေသေးတဲ့ အဖေဆိုတာ ကျွန်မအတွက် ဘာနဲ့မှ လဲလို့မရနိုင်တဲ့ အားကိုးရာတစ်ခုပါ။

အသက် ၆၀နီးလို့ ငယ်တုန်းကလို မသန်တော့ရင်တောင် စိတ်ဓါတ်မကျပါနဲ့ အဖေရယ်... အိမ်ဦးခန်းမှာ ထိုင်နေပြီးတော့ သားသမီးတွေအတွက် အဖေမားမားမတ်မတ် ရပ်တည်ပေးနေနိုင်ပါသေးတယ်။ ကျွန်မ အဖေ့ကို အားကိုးနေပါသေးတယ်...။

( ကျွန်မချစ်သော ဖေဖေ.. အသက် ၅၈နှစ်ပြည့် အမှတ်တရ )


ဖေဖေနဲ့ပတ်သက်လို့ရေးခဲ့ဖူးတာတွေ...
ဖေဖေ... ( ၅၇နှစ်ပြည့် မွေးနေ့ )
ကျွန်မအဖေတူ သမီးပါ

[+/-] အပြည့်အစုံဖတ်ရန်...

[+/-]ပြန်ခေါက်ရန်...

ကျွန်မရဲ့ ၀ါသနာလေးတွေ

သိပ်မကြာသေးခင်ကပဲ သက်ပိုင်သူက တက်ဂ်ထားပြီးတာ ဖြစ်နေပေမယ့် အစ်ကို ကိုလင်းဦးက ထပ်ရေးပါဦးဆိုလို့ နောက်တစ်ခါ ထပ်တင်လိုက်ပါတယ်နော်။ ( အသစ်မတင်နိုင်သေးခင် ဆားချက်တယ်လို့ ပြောရင်လည်း ရပါတယ် :P )

လူတစ်ယောက်မှာ မွေးလာကတည်းက ဗီဇ၀ါသနာဆိုတာ ရှိကြပါတယ်။ တစ်ချို့ကလည်း ငယ်ငယ်လေးကတည်းက သူဘာကိုဝါသနာပါတယ်ဆိုတာ ပေါ်လွင်နေတတ်သလို တစ်ချို့ကလည်း စိတ်ငြိမ်တဲ့အရွယ်ရောက်မှ သူ့ဝါသနာက ပိုထင်ရှားလာတတ်တာပါ။ လူသားထဲက လူတစ်ဦးဖြစ်တဲ့ ကျွန်မလည်း ဘာတွေဝါသနာပါလဲ။ သက်ပိုင်သူကြောင့် ကျွန်မရဲ့ဝါသနာတွေကို တစ်ခုချင်းစီပြီး စဉ်းစားဖြစ်သွားတယ်။ ထွေထွေထူးထူးတော့ မရှိပါဘူး။

မွေးကတည်းက တစ်ယောက်တည်း ဆိတ်ငြိမ်စွာနေရခြင်းကို ကြိုက်ပါတယ်။ ငယ်ငယ်ကဆိုရင် အမေက မီးဖိုချောင်မှာ ဟင်းသွားချက်မလို့၊ သမီးဒီနားမှာ ခဏထိုင်နေဆိုရင် အမေပြန်လာခေါ်တဲ့အထိ ထားခဲ့တုန်းက အတိုင်းပါပဲ။ တစ်လက်မမှ မရွေ့ပါဘူး။ အဲ့လောက်ထိ ငြိမ်တာပါ။

တစ်ယောက်တည်းနေတဲ့အခါ မပျင်းဘူးလားလို့ ထပ်မေးပါ။ မပျင်းပါဘူး။ စာအုပ်တစ်အုပ်နဲ့ ခဲတံတစ်ချောင်း ဒါမှမဟုတ် ကျောက်သင်ပုန်းနဲ့ ကျောက်တံရရင် ငြိမ်ဆေးပါပဲ။ ကလေးဆိုတော့ ဘာမှလည်း မရေးတတ်သေးပါဘူး။ ဒါပေမယ့် လျှောက်ခြစ်တာပေါ့လေ။ အဲ့ဒါကိုကြည့်ပြီး လူကြီးတွေက ဒီကလေး စာဂျပိုးဖြစ်မယ်လို့ ထင်ကြေးပေးကြတယ်။ :P

စာမဖတ်ပဲလည်း တစ်ယောက်တည်း ငြိမ်နေတတ်ပါတယ်။ တွေးချင်ရာလျှောက်တွေးနေတာပါ။ ဘယ်သူနဲ့မှ အခြေအတင်စကားမပြောရရင်ပြီးရော စိတ်ကူးတွေထဲမှာ ပျော်ပါတယ်။

နည်းနည်းသိတတ်လာတာနဲ့အမျှ စာဖတ်တာဝါသနာပါတယ်လို့တော့ ကိုယ့်ကိုယ်ကိုသိလာပါတယ်။ တွေ့သမျှစာအကုန်လိုက်ဖတ်တာပါ။ ငယ်ငယ်က အမေနဲ့ရုံးကိုလိုက်တဲ့အခါ အမေ့အလုပ်က စာရင်းဇယားတွေပါမကျန် စာလုံးမြင်တာနဲ့ အကုန်ဖတ်ရော။

နောက်တစ်ခုက လမ်းသွားရင် တအားငေးတတ်တာပါ။ ဘာငေးတာလဲဆိုတော့ ရန်ကုန်မြို့ထဲမှာဆိုရင် ဆိုင်းဘုတ်တွေများတယ်၊ ဆိုင်တွေများတယ်လေ။ အဲ့ဒါတွေလိုက်ဖတ်၊ လျှောက်ကြည့်ရင်း ငေးမိသွားတာပါ။

အသက်နည်းနည်းကြီးလာတော့ ၁၅နှစ်၊ ၁၆နှစ်လောက်မှာပေါ့နော်။ ရသစာပေတွေဖတ်ရတာကို သိပ်သဘောကျလာတယ်။ ပြီးတော့ ကိုယ့်ဟာကိုယ် လက်တည့်စမ်းရေးကြည့်တတ်တယ်။ စာလေးတစ်ကြောင်းရေးပြီး ကိုယ့်ဟာကိုယ် အကြိမ်ကြိမ်ပြန်ဖတ်၊ မချောဖူးထင်ရင် ပြန်ပြင်ရေး။ နောက်တစ်ခါ စာရေးဆရာတွေ ရေးတဲ့စာထဲက ကိုယ်ရေးတဲ့စာနဲ့ ဆိုလိုရင်းတူပြီး ရေးပုံကွဲနေရင် ငါရေးချင်တာကို ဒီလိုလည်းရေးလို့ရသေးပါလားလို့ မှတ်ထားလေ့ရှိတယ်။

စာအုပ်ဖတ်တာ၊ စာရေးတာ ၀ါသနာပါပြီးတော့ စာသင်တာလည်း ၀ါသနာပါတယ်။ ကျောင်းတက်တုန်းက သူများကို စာရှင်းပြဖို့ဆိုရင် ကိုယ့်ထမင်းချိုင့် ကိုယ်ဆွဲပြီး အာပေါက်အောင်၊ အမြှုပ်ထွက်အောင် ကိုယ်သိတာမှန်သမျှ တစ်လုံးမချန် ရှင်းပြတတ်ပါတယ်။ ( သက်ပိုင်သူ အသိဆုံးဖြစ်ပါတယ်။ )သူများကို စာရှင်းရမယ်၊ စာသင်ရမယ်ဆိုရင် ဘယ်အချိန်ဖြစ်ဖြစ်၊ ဘယ်သူ့ကို ဖြစ်ဖြစ် စေတနာရှိပါတယ်။ အဲ့လောက်ထိ ၀ါသနာပါတာပါ။ တစ်နေ့နေ့ကျရင် ဆရာမလုပ်မယ်ရယ်လို့လည်း ရည်ရွယ်ခဲ့ဖူးပါတယ်။ ဒါပေမယ့် မဖြစ်ခဲ့ပါဘူး။

မြို့ပြအင်ဂျင်နီယာတစ်ယောက် အနေနဲ့ အဆောက်အဦးတွေကိုလည်း စိတ်ဝင်စားတယ်။ QS ရယ်လို့ဖြစ်လာတော့ ဆောက်လုပ်ရေးပစ္စည်းတွေကို ပိုပြီး လေ့လာမိတယ်ဆိုရင် မမှားပါဘူး။

ဈေးဝယ်ရတာလည်း ၀ါသနာပါတယ်။ ဘာတွေဝယ်သလဲဆိုရင်တော့ ကိုယ့်အတွက်ဝယ်တာနည်းတယ်။ မြင်မြင်သမျှ သူများအတွက်ပဲ လျှောက်ကြည့်ပြီး အဆင်ပြေမယ်ထင်တာတွေ ၀ယ်တာပဲ။ ရန်ကုန်တုန်းကဆိုရင် ယုဇနပလာဇာကို လေးထပ်လုံး ၃ခါလောက် အစအဆုံးတက်လိုက်ဆင်းလိုက်နဲ့ ပတ်ပြီး ၀ယ်တတ်ပါတယ်။ ကိုယ့်အတွက် အပင်ပန်းခံပြီး ရှာဝယ်တတ်တာက လက်ကိုင်အိတ်နဲ့ ဖိနပ်။

ဝယ်လာတဲ့ပစ္စည်းကို အလှကြည့်တတ်တာလည်း ကျွန်မရဲ့ ၀ါသနာတွေထဲမှာပါတယ်။ သုံးတာလည်း မဟုတ်ဖူး။ ကြည့်နေရရင် ကျေနပ်နေတာပဲ။ :P

မိန်းကလေးဆိုတော့ အလှအပတော့ စိတ်ဝင်စားမယ်လို့ ထင်မိရင် မှားပါမယ်။ GreenGirlက မျက်နှာအလှအပထက် လက်ချောင်းခြေချောင်းတွေကို အလှပြင်ရတာ ပိုကြိုက်ပါတယ်။ လက်သည်းခြေသည်းဆိုးခြင်း ၀ါသနာပါ၏။ အခုတော့ မဆိုးဖြစ်တာကြာပါပြီ။ လက်သည်းအရှည်လည်း ကြိုက်တယ်။

သီချင်းလည်း နားထောင်တတ်ပါတယ်။ ဒါပေမယ့် လိုက်ရှာရတာတော့ ပျင်းတယ်။ အသည်းအသန် လိုချင်တဲ့ သီချင်း၊ ကြိုက်မိတဲ့သီချင်းဆိုရင်တော့ ဇွဲကောင်းကောင်းနဲ့ ရှာပါတယ်။ :)

အကြောင်းအရာတစ်ခုကို အစရရင် ရေဆုံးမြေဆုံး လိုက်တတ်တာလည်း ၀ါသနာလို့ပဲ ပြောရမလားပဲ။ ဘယ်အကြောင်းအရာက ဘယ်လိုဇစ်မြစ်ကနေ စလာတယ်ဆိုတာကို စိတ်ဝင်တစား လေ့လာတတ်ပါတယ်။

နောက်ဆုံးတစ်ခုကတော့ ၀ါသနာတူခြင်းတွေ့ရင် စာအကြောင်းပြောရတာ၊ နားထောင်ရတာကို နှစ်သက်ခြင်းပါပဲ။ မယုံရင် သက်ပိုင်သူနဲ့ အလှတရားကို မေးကြည့်ပါ။ အဲ့ဒီအချိန်မှာ GreenGirl မစားမသောက်မအိပ်ပဲ စကားပြောပါတယ်။

ထူးခြားတာတော့ မပါဘူးနော်။ ဒီထဲမှာ မပါတာဆိုရင် ၀ါသနာမပါဘူးလို့ မှတ်ပေါ့နော်။ တာဝန်အရလုပ်ရတဲ့ ကိစ္စမျိုးတွေတော့ ရှိတာပေါ့လေ။ စိတ်ဝင်စားလို့တော့ မဟုတ်ဖူး။ ဒီလောက်ဆိုရင် ၀ါသနာအကြောင်း လုံလောက်ပြီ ထင်ပါတယ်။ ဘုံ အထပ်၂၀ ဒီဇိုင်းများအလည်မှာ ရယ်ကာမောကာ မျက်နှာငွေလ ရွှင်ပြပြနဲ့ သက်ပိုင်သူ ၀မ်းမြောက်ပါလေတော့...။

[+/-] အပြည့်အစုံဖတ်ရန်...

[+/-]ပြန်ခေါက်ရန်...

နိုင်ငံခြားပြန်...တဲ့

ဟိုတစ်လောက နိုင်ငံခြားပြန်ညည်းချင်းတွေ အပြိုင်အဆိုင် ညည်းလိုက်ကြတာ ဖတ်လိုက်ရတယ်။ အဲ့ဒီညည်းချင်းက သက်ပိုင်သူဆီရောက်တော့ မီးခိုးကြွက်လျှောက် ဆိုသလို သူ့ညည်းချင်းက ကိုယ့်ဆီဆက်ကူးသွားတယ်။ ညည်းချင်းဆိုတော့ ညည်းရမှာ သိပ်တော့စိတ်မပါဘူး။ ဒါပေမယ့် မညည်းပြန်ရင်လည်း သက်ပိုင်သူက မျက်စောင်းတထိုးထိုးဆိုတော့ အဆင်ပြေသလိုပဲ ညည်းလိုက်ရပါတယ်။ စိတ်ပျက်စရာ ဖြစ်နေရင် သည်းခံကြပါရှင်။

သူများတွေ အိမ်ပြန်ရင် အိမ်ပြန်လက်ဆောင် ၀ယ်ရခြမ်းရတာတွေနဲ့ ညည်းစရာတွေ ရှိပေမယ့် ကျွန်မ GreenGirl မှာတော့ အဲ့လိုညည်းစရာက မရှိဘူး။ ဘာလို့လဲဆိုတော့ ကျွန်မက ပြတ်သားတယ်။ ပြန်မယ်လို့ စီစဉ်ရင် လက်ဆောင်မပါမဖြစ် ယူသွားရမယ့်သူကို စာရင်းချရေးလိုက်တိုင်း ငါးယောက်ထက်မပိုဘူး။ ဖေဖေ၊မေမေ၊ ညီမလေးနဲ့ မောင်လေး၊ ပြီးတော့ သူသူအောင်။ ဒါပဲရှိတယ်။ တခြားအမျိုးအဆွေ၊ တူ၊တူမတွေ ဘာမှစဉ်းစားစရာမရှိဘူးလေ။ အမေကလည်း ကြီးကြီးမားမား မမှာတတ်ဖူး။ နှုတ်ခမ်းနီတစ်တောင့်ပါရင် တော်ပြီတဲ့။ အဲ့လောက် များများစားစား မှာတတ်တာ ဆိုတော့လည်း သိပ်ခေါင်းမစားရတော့ဘူးပေါ့။

ပြန်တိုင်းအိမ်နဲ့ စကားပြောရတာက တစ်ခုပဲရှိတယ်။ ကိုယ်က ပြန်ချင်တဲ့ရက်နဲ့ အမေက ပြန်လာခိုင်းတဲ့ရက်နဲ့ ဘယ်တော့မှ မကိုက်ဖူး။ ဒီတစ်ခါပြန်တော့လည်း မကိုက်ဖူးလေ။ အမေက ၂၄ရက်နေ့မှ ပြန်လာပါလားတဲ့။ ကိုယ်က ဖြစ်နိုင်ရင် သင်္ကြန်မီအောင်တောင် ပြန်ချင်တယ်။ အဲ့ဒီမှာတင် စကားကပြောရရော။ ပြောမရတဲ့အဆုံး ကိုယ့်ဟာကိုယ်ပဲ စကားကို အပြတ်ဖြတ်ပစ်လိုက်တယ်။ ရုံးမှာတော့ ခွင့်မတင်ရသေးပေမယ့် အမေထပ်မပြောအောင်လို့ ခွင့်တင်ပြီးပြီ မရတော့ဘူး၊ ဒီရက်ပဲပြန်မှရတော့မှာ၊ လေယာဉ်ပျံလက်မှတ်လည်း Booking လုပ်ပြီးပြီ ဘာညာပေါ့။ အဲ့လိုပြောလိုက်မှ အမေက ရက်ပြောင်းဖို့ ဘာမှပြောတော့ဘူး။ အဲ့ဒါလေးတစ်ခုပါပဲ။ ပြန်တိုင်း အမေနဲ့ စကားနည်းနည်းပြောပြီးမှ ပြန်ရတယ်။

နောက်တစ်ခုက မြန်မာပြည်ပြန်ရင် ဘယ်သွားမယ်၊ ဘာလုပ်မယ်၊ ဘယ်သူနဲ့တွေ့ရမယ်ဆိုတာမျိုးတွေ။ ကိုယ်က သုံးပတ်လောက်ပဲ နေဖို့ရက်ရတာ။ မိဘဆိုတာကလည်း သားသမီးပြန်ရောက်ပြီဆိုရင် လက်ဆွဲပြီး မြို့ပတ်ချင်တယ်။ ဟိုသွားမယ်၊ ဒီသွားမယ်ပေါ့။ ကိုယ့်ကိစ္စနဲ့ကိုယ် သွားချင်တာလေးတွေကလည်းရှိ၊ အမေနဲ့အဖေကလည်း ကိုယ့်ကိုခေါ်သွားချင်တဲ့နေရာတွေရှိ၊ နှစ်ခုမတိုက်အောင် Date လုပ်ရတာလည်း အမောပါပဲ။ ရုပ်မြင်သံကြားလိုပဲ နောက်တစ်နေ့အစီအစဉ်ကို ကြိုကြိုပြီးဆွဲထားရတယ်။ မဟုတ်ရင် တိုက်ကုန်လို့။ အမေကတော့ တစ်ရက်ကြိုဆွဲတာမဟုတ်ဖူး။ White Board မှာ သုံးပတ်စာ Schedule တစ်ခါတည်း ဆွဲပေးထားတာ။ ဘယ်နေ့မှာ ဘယ်သူဘယ်သွားမယ်၊ ဘယ်အချိန် ဘယ်သူနဲ့တွေ့မယ်၊ အဲ့လိုမျိုး။ တခါတလေတော့လည်း စိတ်ညစ်မိတယ်။ သွားလေရာ လျှောက်လိုက်နေရလို့။ ဒါပေမယ့်လည်း စိတ်ဖြေပါတယ်။ သြော်...ငါ့မိဘက သားသမီးလည်း အနားမှာ အမြဲရှိတာ မဟုတ်ဖူး။ ရောက်တုန်းရောက်ခိုက်လေး ကိုယ့်သားသမီးကို လက်ဆွဲပြီး သွားချင်မှာပေါ့။

တစ်နေရာရောက်လိုက် သူများတကာက "ဟယ် သမီးကြီး ပြန်ရောက်နေတာလား" လို့မေးလိုက်၊ "ဟုတ်တယ် ခွင့်နဲ့ပြန်လာတာလေ။ သုံးပတ်နေရင် ပြန်တော့မှာ" ဆိုပြီးတော့ အမေနဲ့အဖေက ပြုံးပြုံးလေးဖြေလိုက်။ သူ့ဟာနဲ့သူတော့ဟုတ်နေတာပဲ။ တစ်ချို့တွေကလည်း ဒီအချိန်ကြီးမှာ ရန်ကုန်ကို ပြန်လာတယ်ဆိုတော့ ဟိုလိုလိုဒီလိုလို ထင်တတ်ကြသေးတယ်လေ။ အပြောမတတ်တဲ့သူက "လူလျှော့တာလား"လို့မေးရင် အမေက အသားဆတ်ဆတ်တုန်အောင် နာတယ်။ တခါတလေတော့ လူတွေကလည်း ခက်ပါတယ်။ ခက်တဲ့ထဲမှာ သေသေချာချာဘာမှမသိပဲ ထင်ကြေးနဲ့ ပြောတတ်တာဟာ အခက်ဆုံးပဲ။ သူ့ဟာသူ ခွင့်နဲ့ပဲပြန်ပြန် လူလျှော့လို့ပဲ ပြန်ပြန် ဘယ်လိုပြန်ပြန်ပေါ့။ ကဲ့ရဲ့စရာမလိုသလို၊ ချီးမွမ်းစရာလည်း မလိုဘူး မဟုတ်လား။ တစ်ကမ္ဘာလုံးကြုံနေရတဲ့ ကပ်ထဲမှာ ကုသိုလ်ကံလည်း အများကြီးဆိုင်တာပေါ့။ ဒါအပြစ်မဟုတ်ပါဘူး။

အဲ့ဒီလိုပေါ့လေ။ မြန်မာပြည်ပြန်တဲ့အခါ ကိုယ့်အတွေ့အကြုံလေးနဲ့ကိုယ်တော့ အနည်းနဲ့အများ ရှိကြမှာပါပဲ။ ဖွင့်မပြောကြတာသာ ရှိမှာပါ။ စိတ်ညစ်စရာတွေလည်း ဖြစ်ချင်ဖြစ်မယ်၊ စိတ်ညစ်စရာတွေထဲက ပြန်တွေးမိရင် ဟာသလေးတွေလည်း ပါနိုင်တယ်။ ဒီတော့ အဲ့ဒီအကြောင်းလေးတွေကို နောက်ထပ် ရင်ဖွင့်ဖို့ သယ်ရင်းကြီး ငါးမည်ရမြရေလျဉ်ကို ဆက်လက် လက်ဆင့်ကမ်းပါတယ်။ သယ်ရင်းရေ နိုင်ငံခြားပြန် အတွေ့အကြုံလေး လုပ်ပါဦးဟ... :)

သက်ပိုင်သူရေ ငါညည်းပြီးပြီနော်...။

[+/-] အပြည့်အစုံဖတ်ရန်...

[+/-]ပြန်ခေါက်ရန်...

ဇွန် ၁ ရက်နေ့

ဒီနေ့ ကျောင်းတွေပြန်ဖွင့်ပြီ...

ကျောင်းစတက်တဲ့နေ့မှာ ပျော်နေတဲ့သူတွေလည်းရှိမယ်။ ကျောင်းမတက်ချင် တက်ချင်တက်ရတဲ့ သူတွေလည်းရှိမယ်။

သူများတွေ ပျော်ပျော်ရွှင်ရွှင်ကျောင်းတက်နေချိန်မှာ ကျောင်းပြန်ဖွင့်တယ်ဆိုတာကို ဘယ်လိုမှ မခံစားနိုင်တဲ့ ခပ်ကြမ်းကြမ်း ဘ၀တွေလည်း ရှိမယ်။

သားသမီးကို ပညာတတ်စေချင်လွန်းလို့ ရှိစုမဲ့စုနဲ့ ဖြစ်အောင်ကျောင်းထားပေးရတဲ့ မိဘတွေလည်း ရှိသလို ရင်နာနာနဲ့ ကျောင်းထုတ်ပြီး ဘ၀ကို ဖြစ်သလိုရင်ဆိုင်နေကြရတဲ့ မိသားစုတွေလည်း ရှိမယ်။

စာသင်ခန်းထဲကို ကြည့်လိုက်ရင် အဖြူနဲ့အစိမ်း နှစ်ရောင်ပဲ တွေ့ကြမှာပေါ့။

အဲ့ဒီအဖြူအစိမ်းတွေရဲ့ နောက်ကွယ်မှာ ရှိနေသေးတဲ့ ရောင်စုံဘ၀တွေကိုတော့ ဘယ်သူမှသေသေချာချာ လေ့လာကြလိမ့်မယ် မထင်ပါဘူး...။

[+/-] အပြည့်အစုံဖတ်ရန်...

[+/-]ပြန်ခေါက်ရန်...